Umarangkada na ang ang isinasagawang survey ng Department of Education (DepEd) upang malaman ang karanasan sa distance learning ng mga magulang, guro at mag-aaral ngayong unang quarter ng school year.
Maaaring ilagay sa naturang survey ang mga hamon na kinaharap sa ilalim ng distance learning at ang kinakailangang tulong upang maisaayos at mapaunlad ang bagong pamamaraan ng pagtuturong ito dulot ng pandemya ayon kay DepED Undersecretary Nepomuceno Malaluan .
Halimbawa pa ni Malaluan maaaring isaad sa survey ang kakulangan sa kagamitan, gadget, load o internet connection, lugar o espasyo sa bahay na pag-aaralan at gayundin kung may isyung pangkalusugan.
Ani Malaluan nakatuon bukod sa pagpapabuti ng sistema ng distance learning nakatuon din ngayon ang kagawaran sa posibilidad ng muling pagbabalik ng face-to-face classes.—sa panulat ni Agustina Nolasco