Simula na ngayong araw, Marso 18 ang pagsasailalim sa lockdown sa DepEd Central Office (CO) sa Pasig City na tatagal hanggang Marso 24.
Ito ay matapos irekomenda ng Department of Education Task Force COVID-19 (DTFC) na ilagay ang buong DepEd CO sa lockdown matapos magpositibo sa COVID-19 ang anim na tauhan nito.
Batay sa memorandum na inilabas ni Usec. Alain Pascua, Chairperson ng DepEd Task Force COVID-19,lahat ng nagpositibo ay mga asymptomatic at pumasok sa opisina sa loob ng nakaraang 14 na araw.
Samantala, lahat ng tauhan ay patuloy na mag-tatrabaho sa pamamagitan ng work from home arrangement maliban na lamang sa mga nagtatrabaho sa CO clinic.
Patuloy naman ang pag-usad ng contact traging para sa mga close contacts, probable at confirmed COVID-19 cases.— sa panulat ni Agustina Nolasco
