Nagbukas na ng Dengvaxia Express Lanes ang ilang ospital ng gobyerno.
Bukas 24 oras ang Dengvaxia Express Lanes sa Jose Reyes Memorial Medical Center kung saan isandaan at dalawangpo’t pitong (127) pasyente na ang pumila.
Sa ospital naman ng Muntinlupa, sinabi ni Dr. JP Bernal, medical officer ng ospital, na tatlongpo’t pitong (37) pasyente ang pumila na sa Dengvaxia Express Lanes dahil sa pananakit ng tiyan, pagsusuka at pananakit ng katawan.
Una nang sumugod ang ilang magulang sa Philippine Children’s Medical Center o PCMC para ipagamot ang anak nilang naturukan ng dengvaxia at may mga sintomas ng dengue.
