Ikinukunsidera rin ni outgoing Philippine National Police (PNP) Chief Director General Ronald Dela Rosa ang tumakbo bilang gobernador sa kanyang home province na Davao del Sur.
Ayon kay Dela Rosa, nabanggit ito ni Pangulong Rodrigo Duterte sa kanilang pinakahuling pag-uusap bukod pa sa naunang planong pagtakbo niya bilang senador.
Aniya, pinag-aaralan nila ang pagtakbo sa governatorial position para mas marami pa siyang matulungang kababayan mula sa Davao del Sur.
Gayunman, paglilinaw ni Dela Rosa, hindi pa pinal ang pagpasok niya sa politika at nakadepende pa ito sa magiging resulta ng muling pag-uusap nila ng Pangulo.
Si Dela Rosa ay nakatakdang magretiro sa Abril 14 at susunod na uupo bilang pinuno ng Bureau of Corrections o BuCor.
—-
