Inaresto at nahaharap sa kasong panunuhol ang isang dating presidente ng United Nations General Assembly at 5 iba pa.
Ipinaaresto ng Federal Court sa New York si John Ashe, ang dating ambassador ng un mula sa Antigua at Barbadua at nagsilbing General Assembly President noong 2013 hanggang 2014, dahil sa pagtanggap umano ng mahigit sa 1.3 milyong dolyar na suhol mula sa grupo ng mga negosyanteng Chinese.
Sa inihaing reklamo, sinabing binayaran ng Chinese developer na si Ng Lang Seng, si Ashe, para sabihin sa UN Secretary General na mayroong pangangailangan para magtayo ng multi – bilyong dolyar na conference center ang UN, sa Macau.
Una nang naaresto si Ng at ang assistant nito na si Jeff Yin, noong Setyembre 19, dahil sa pagdadala ng 4.5 million dollars sa Amerika sa pagitan ng 2013 at 2015, na para umano sa pagsusugal, pagbili ng art pieces, antiques at real estate.
Sinabi ni Manhattan US Attorney Preet Bharara na posible pang madagdagan ang kaso, lalo na at inaalam pa kung normal at napasok na din ng kurapsyon ang United Nations.
By: Katrina Valle
