Pumalag si dating Candaba Pampanga Mayor Jerry Pelayo sa teorya ni Agriculture Secretary Manny Piñol na galing sa mga migratory birds ang Avian Flu Virus na kumalat sa San Luis Pampanga.
Ayon kay Pelayo, walang mga migratory birds sa Candaba noong panahong maraming namatay na mga Pugo sa San Luis.
Ani Pelayo, posibleng galing sa mga kontaminadong Peking Ducks na ipinuslit sa bansa ang naturang virus.
Dagdag ng dating Alkalde, batay sa pahayag ng mga eksperto hindi nabubuhay sa mga lugar na may temperaturang mas mataas sa 28 degrees Celsius ang bird flu virus.
Umaasa rin si Pelayo na magiging maingat ang pamahalaan sa paghawak at pagtugon sa nasabing usapin.
