Bumuo na ng legal team ang Department of Agrarian Reform na mag-iimbestiga sa pagpatay sa limang magsasaka sa mga lalawigan ng Nueva Ecija at Isabela.
Setyembre a-Tres nang pagbabarilin ng mga hindi nakilalang lalaki ang mga biktimang sina Emerencia Dela Rosa, Violeta Mercado, Eligio Barbado at Gaudencio Bagalay sa barangay San Isidro, Laur, Nueva Ecija.
Pinaulanan din ng bala ang magsasakang si Ariel Diaz, head ng Danggayan Dagiti Manalon sa kanyang bukid sa Villa Pereda sa Delfin Albano, Isabela, noong Setyembre a-Syete.
Ang Dagami ay kaalyado ng kilusang magbubukid ng Pilipinas, na pinamunuan ni DAR Secretary Rafael Mariano bago italaga ni Pangulong Rodrigo Duterte bilang miyembro ng gabinete.
Ayon kay Mariano, aalamin ng fact-finding team kung land dispute ang motibo sa pamamaslang sa lima.
Tiniyak naman ng kalihim na ipagkakaloob ng kagawaran ang anumang tulong at bibigyang katarungan ang mga pinaslang na magsasaka.
By: Drew Nacino
