Pormal nang idineklara bilang terrorist group ng Anti-Terrorism Council (ATC) ang Communist Party of the Philippines – New People’s Army (CPP – NPA).
Batay ito sa unang resolusyong ipinasa ng ATC na nilagdaan ni Executive Secretary Salvador Medialdea saligt sa Republic Act 11479 o ang Anti-Terrorism Act of 2020.
Dahil dito, kahanay na ng CPP-NPA ang iba pang teroristang grupo sa Pilipinas tulad ng Islamic State East Asia, Maute Terrorist Group, Daula Islamiyah at iba pa.
Ayon sa ATC, matagal nang nagpapanggap ang cpp-npa na makakuha ng suporta mula sa mga international non-government organizations upang makalikom ng pondo para sa paghahasik nila ng rebelyon sa bansa.
Ngayong itinuturing nang terroristang grupo ang CPP-NPA, mayruon nang kapangyarihan ang Anti-Money Laundering Council (AMLC) para kontrolin ang pondo at ari-arian ng grupo at maaari na rin itong imbestigahan at isailalim sa freeze order.