Patuloy ang pagbaba ng Covid-19 positivity rate sa Lalawigan ng Zambales.
Ito’y ayon sa OCTA Research Group, kung saan mula sa 7.6% na positivity rate noong November 12, ay bumulusok pa ito sa 6.9% nitong November 19.
Kabilang ang Zambales sa mga lalawigan sa Central Luzon na nakapagtala ng downward trend sa positivity rate.
Maliban dito, sinabi ng OCTA na bumaba rin ang aktibong kaso ng sakit sa probinsya.
Nitong Linggo ay walang naitalang bagong kaso ng sakit sa Zambales, kung saan ito na ang ikatlong pagkakataon na wala itong naitalang bagong infections mula noong nakalipas na linggo.
