Tiwala si Congressman Rodolfo Biazon na maipapanalo ng Pilipinas ang reklamo nito sa Permanent Court of Arbitral Tribunal laban sa China kaugnay sa reclamation activities nito sa West Philippine Sea.
Ayon kay Biazon, Chairman ng House Committee on National defense and Security, maganda ang naging presentasyon ng Pilipinas sa reklamo nito kontra China.
Bahagi nito ang research na ginawa ng Office of the Solicitor General at serbisyo ng mga magagaling na abogado na kinuha ng pamahalaan para lamang sa naturang usapin.
Sinabi ni Biazon na naging bentahe rin ng Pilipinas ang hindi pagdalo ng China sa tatlong araw na oral argument.
By Judith Larino
