Isinulong ni dating health secretary ngayo’y Congresswoman Janet Garin ang paggamit muli ng Dengvaxia.
Sa gitna na rin ito nang patuloy na paglobo ng kaso ng dengue kasunod na rin nang deklarasyon ng national dengue alert.
Sinabi ni Garin na napulitika lamang ang paggamit ng bakunang Dengvaxia kaya’t sa halip na makatulong ang isang gumagamit nito para pigilan ang pagtaas ng kaso ng dengue, maraming magulang ang nangangambahang pabakunahan ang mga anak.
Batay sa pinakahuling datos ng DOH, pumalo na sa halos 116,000 ang naitalang kaso ng dengue sa taong ito kung saan nasawi ang 491 indibidwal.
