Pinayuhan ni House Committee on Justice Chairman at Mindoro Rep. Reynaldo Umali si Supreme Court Chief Justice Maria Lourdes Sereno na magbitiw na lamang sa puwesto.
Ayon kay Umali, malinaw naman aniyang nawalan na ng tiwala kay Sereno ang mga opisyal at kawani ng sangay ng hudikatura makaraang lumutang sa kanilang mga pagdinig na hindi idineklara ng buo ni Sereno ang kaniyang Statement of Assets, Liabilities and Networth (SALN).
Kasunod nito, sinabi pa ni Umali na hindi sila nagkulang kay Sereno sa pagkuha ng panig nito sa mga pagdinig at hindi na aniya hahantong sa impeachment trial kung nakipagtulungan lamang ito sa kanila.
Magugunitang hindi sumipot, ni isang beses si Sereno sa ginawang pagding ng Kamara hinggil sa impeachment laban sa kanya sa halip, igniit nito na haharap lamang siya sa tamang lugar.
RPE