Arestado ng Bureau of Customs (BOC) sa NAIA Terminal 1 ang isang Chinese national na nahulihan ng daan – daang skimming machines o gamit sa credit card fraud.
Nakumpiska mula sa suspek na si Wenshen Zeng ang mahigit tatlong daang one – time password card, isang portable point of sale system, 40 smartphones, siyam (9) na documentary stamp at isang closed circuit television.
Ang naturang Chinese national ay dumating sa bansa sakay ng China Southern Airline mula Guangzhou, China.
Inaalam na ng mga otoridad kung may kasabwat na grupo sa bansa ang nasabing Chinese national.
