SPORTS

Giniba ng Cleveland Cavaliers ang 2nd seeded sa Eastern Conference Division ng NBA regular season na Boston Celtics.

Winasak ng Cavaliers ang momentum ng Boston sa score na 121-99 sa mismong homecourt ng Celtics sa TD Garden Arena, Massachusetts.

Nagpakawala ng double-double 24 points at 10 assists ang star forward ng Cavs na si Lebron James habang nag-ambag ng 21 points at 9 rebounds si Terry Rozier ng Celtics.

Nananatili sa ikatlong pwesto sa Eastern Conference Division ang Cleveland sa kartadang 33-22 habang nasa 2nd spot ang Celtics sa standing na 40-18.

—-

Taob si US Superstar Serena Williams at kapatid nitong si Venus Williams sa kanilang doubles match sa Fed Cup sa North Carolina.

Ito ay matapos idispatsa ang Williams sisters ng manlalaro mula sa The Netherlands sa iskor na 6-2 at 6-3.

Unang laro ito ni Serena magmula nang masungkit nito ang kampeonato sa 2017 Australian Open.

Matatandaang kinailangan tumigil ni Serena sa pagte-tennis dahil sa pagdadalantao nito.

—-

Naungusan ng Barangay Ginebra San Miguel Gin Kings ang TNT Katropa sa nagpapatuloy na 2017-2018 PBA Philippine Cup.

Pinataob ng Ginebra ang Katropa sa score na 93-78 sa kanilang paghaharap sa Araneta Coliseum, kagabi.

Kapwa naging maatikabo ang naging bakbakan nina LA Tenorio at Jayson Castro na dalawang pinakamahusay na guwardya sa liga.

Kumamada ng double-doubles na 27 points at 11 assists si Tenorio para sa Gin Kings habang nag-ambag ng 17 points si Castro para sa TNT.

Hawak na ng Gin Kings ang kartadang 5-4 at nananatili sa ika-walong puwesto habang nasa 6th spot ang Katropa sa standing na 4-5.

—-

Dumating na sa bansa ang naturalized center na si Andray Blatche.

Ito’y para palakasin ang pwersa ng Gilas Pilipinas sa 2019 FIBA World Cup Asian Qualifiers ngayong Pebrero.

Batay sa panayam ng Sportscenter Philippines, sinabi ni Gilas Coach Chot Reyes na sasabak muna sa workouts ngayong araw si Blatche bago sumalang sa full practice bukas.

Nasa magandang kondisyon anya si Blatche na ilang buwan ding naglaro sa Xinjiang Flying Tigers sa Chinese Basketball Association bago magtungo sa Pilipinas.

Sa February 22 nakatakdang makaharap ng Gilas ang Australia, habang sa February 25 naman makakalaban nito ang Japan sa MOA Arena.

Posted by: Robert Eugenio

Nasungkit ng korea ang una nitong gold medal sa ginaganap na 2018 Winter Olympics sa Pyeongchang City, South Korea.

Ito’y sa pamamagitan ng panalo ni Lim Hyo-Jun sa men’s 1,500-meter short track speed skating.

Nasikwat naman ng Sweden sa pamamagitan ni Charlotte Kallasa women’s 15-kilometer skiathlon ang unang gintong medalya sa Winter Olympics.

Samantala, nangunguna sa medal tally ang Germany na mayroon ng dalawang gold; pangalawa ang Netherlands na may isang gold, dalawang silver at isang bronze habang pangatlo ang Sweden na may isang gold.

Wagi ang Indiana Pacers sa laban sa Eastern Conference Top Team kontra Boston Celtics.

Nagpakawala ng 35 points ang shooting guard ng Pacers na si Victor Oladipo na sinuportahan ng 19 points ni Myles Turner at tig 13 points mula kina Bojan Bogdanovic at Thaddeus Young.

Isang malaking tagumpay ng Indiana Pacers ang nasabing laban matapos kumawala sa five game losing streak kontra Boston na hindi na nakalamang matapos ang second half.

Si Kyrie Irving ang nanguna para sa Celtics kung saan hindi umubra ang 21 points nitong pinakawalan at 16 points mula kay Jaylen Brown.

Excited na si Cleveland Cavaliers Star Lebron James na makalaro ang Fil-Am player mula sa Los Angeles Lakers na si Jordan Clarkson at iba pa.

Kasunod ito ng pag-sang-ayon ni James sa pagpapalipat at pagkuha ng mga manlalaro ng Cavs na tinawag niyang magandang hakbangin.

Sinabi ni James na dahil sa mga bagong pasok sa kanilang koponan ay tila bumata ang kanyang team at nadagdagan ang mga may shooting skills.

Matatandaang naging positibo ang reaksyon ng basketball experts sa paglipat ni Clarkson sa Cleveland Cavaliers.

Ayon sa mga eksperto, ‘plus factor’ ang pagkuha ng Cavs kay Clarkson.

Positibo ang reaksyon ng basketball experts sa paglipat ni Filipino American player ng Los Angeles Lakers na si Jordan Clarkson sa Cleveland Cavaliers.

Ayon sa mga eksperto, plus factor ang pagkuha ng Cavs kay Clarkson.

Malaki anilang tulong si Clarkson kay Lebron James sa mga laban ng Cavs lalo na’t may injury at hindi pa makakapaglaro si Kevin Love.

Kasado na ang lahat sa pagsisimula ng Winter Olympics sa South Korea mula ngayon hanggang Pebrero 25.

Magsisimula ang opening ceremony alas-7:00 mamayang gabi oras sa Pilipinas at gaganapin sa Pyeongchang Olympic Stadium na may kapasidad ng tatlumpu’t limang libo (35,000) katao.

Labing limang (15) sports ang nakalatag kung saan pag-aagawan ng mga atleta ang isandaan at dalawang (102) medalya.

Ang Winter Olympics ang nakikitang pinakamalamig sa kasaysayan subalit nagpatunaw at nagbigay ng init sa ugnayan ng North at South Korea.

Lalahok sa Winter Olympics ang joint women’s hockey team ng North at South Korea gamit ang iisang bandila.

—-

Napanatili ng New York Knicks ang pagiging ‘Most Valuable Team’ sa tatlong (3) magkakasunod na taon.

Batay ito sa inililabas na listahan ng Forbes kung saan aabot sa 3.6 bilyong dolyar ang halaga ng Knicks.

Mas mataas ang kitang ng Knicks ng siyam na porsyento (9%) kumpara noong nakaraang taon.

Sinasabing ito ay dahil sa mga ginawang renovation sa Madison Square na nagbukas pa ng mas maraming oportunidad mula sa sponsorship at tickets.

Samantala, pumangalawa naman sa listahan ng pinakamayayamang koponan ang Los Angeles Lakers na sinundan ng Golden State Warriors.