SPORTS

Banned na indefinitely sa UAAP events at sanctioned si dating UST head coach Aldrin Ayo.

Ito ay matapos i-review ng UAAP board of trustees ang mga rekomendasyon ng board of managing directors sa umano’y training bubble ng UST men’s basketball team.

Ang rekomendasyon ay ibinase naman sa report na isinumite ng UST matapos mag imbestiga sa umanoy training buble ng kanilang basketball team sa Capuy, Sorsogon.

Ayon pa sa UAAP magsasagawa rin ng imbestigasyon ang CHED kaugnay sa posibleng paglabag ng ust at iba pang indibidwal na posibleng sangkot sa nasabing aktibidad.

Pumanaw na ang isa sa mga tinaguriang pioneer ng Philippine basketball at olympian na si Orlando ” Orly” Bauzon sa edad na 75.

Ito ang kinumpirma ng mga nakasama ni Bauzon sa koponang Toyota na sina Ramon Fernandez at Gil Cortez sa kanilang Facebook accounts.

Sinariwa pa ni Fernandez ang mga panahong magkasama sila ni Bauzon sa Toyota Comets nang magwagi ito sa MICAA championship nuong 1973.

Nagpaabot naman ng kaniyang pakikiramay si Cortez sa naulila ni Bauzon lalo’t hindi inaasahan ang pagpanaw nito sa gitna ng coronavirus disease 2019 (COVID-19) pandemic.

Naging kasapi si Bauzon ng Philippine men’s team na lumahok sa 1968 Olympics na ginawa sa Mexico at naging bahagi rin ito ng huling national squad na nakasungkit ng gintong medalya nuong 1962 Asian Games na ginawa naman sa Jakarta, Indonesia.

1975 nang magsimula ang tubong Calasiao, Pangasinan na si Bauzon sa Toyota Comets sa PBA at tinapos nito ang kaniyang tatlong taong karera sa koponan ng mariwasa.

Nagsilbi ring coach si Bauzon ng mga koponan ng UP Fighting Maroons at Adamson University Blue Falcons sa University Athletic Association of the Philippines (UAAP).

Kumamada si James Harden ng 36 points habang nagdagdag si Eric Gordon ng  23 points sa panalo ng Houston Rockets laban sa Los Angeles Lakers  sa kanilang first-round series sa Western Conference semifinals.

Nakakuha rin si Russell Westbrook ng 24 points at 9 rebounds para sa Rockets.

Samantala, si Anthony Davis naman ang nanguna sa Lakers nang kumana ito ng 25 points at 14 rebounds habang nag-ambag si LeBron James ng 20 points.

Nangako naman ang Lakers na babawi ito sa Game 2 ng naturang serye.

Natalo na ng isa pang Pinay ang 33 taong record ni legendary Lydia De Vega Sa 100 meter track and field sa Pilipinas.

Ito ay matapos makuha ni Kristina Knott ang 11.27 seconds sa 100 meter event sa ginanap na Drake Blue Oval Showcase sa Iowa.

Ayon sa Philippine Athletics Track and Field Association (PATAFA), nasungkit ni Knott ang second place sa event kasundo ni Kayla White ng United States nakapagtapos naman sa 11.18 seconds.

Magugunitang tinagurian si De Vega bilang Asia’s fastest woman matapos nitong maabot ang finish line sa loob ng 11.28 seconds sa 1987 Southeast Asian games sa Jakarta noong 1987.

Balik sa pagiging no.1 contender para sa Women’s atomweight title si Denice Zamboanga habang nagtagumpay din ang kanyang kuya na si Drex Zamboanga sa kanilang laban sa ONE Championship sa isang closed-door arena sa Bangkok, Thailand.

Halos hindi pinagpawisan si Denice nang pasukuin niya ang kalabang si Watsapinya “Dream Girl” Kaewkhong sa unang round ng kanilang bakbakan.

Samantala, pinatulog naman ni Drex ang kanyang kalabang si Detchadin Sorsirisuphathin sa kanilang flyweight bout.

Dahil dito, may karapatan na si Denice para hamunin ang kasalukuyang atomweight champion na si Angela Lim na atat na ring makasagupa ang naturang Pinay.

Muling nagpakita ng bangis sina LeBron James at Anthony Davis matapos ilampaso ng Los Angeles Lakers ang Portland Trail Blazers sa score na 116-108 sa Game 3 ng first round playoff series sa Western Conference.

Kumana si James ng 38 points habang nagdagdag si Davis ng 29 points para sa Lakers.

Nakalamang ang Blazers sa unang bahagi ng laro pero nakabawi ang LA sa third quarter.

Samantala, bagama’t sinasabing may injury sa daliri si Damian Lillard, nakasungkit pa rin ito ng 34 points sa panig ng Portland

Rumesbak ang Los Angeles Lakers sa Portland Trailblazers matapos sungkitin ang 111-88 victory sa  Game 2 ng kanilang best-of-7 Western Conference first-round series.

Kumamada si Anthony Davis ng 31 points at 11 rebounds habang nagdagdag naman si LeBron James ng 10 points at 7 assists.

Samantala, si Damian Lillard naman ang nanguna sa Blazers sa pamamagitan ng ka nyang 18 points.

Sinasabing nagkaroon ng injury sa daliri si Lillard pero nangako itong lalaro sa Game 3 ng kanilang serye laban sa Lakers.