Nasungkit ng Boston Celtics ang panalo sa ikalimang laro ng kanilang best-of-seven Eastern Conference finals laban sa Miami Heat sa score na 121-108.
Ngunit lamang pa rin ang Heat sa kasalukuyang serye taglay ang 3-2 lead.
Si Jayson Tatum ang nanguna sa Celtics sa pamamagitan ng kanyagn 31 points habang nagdagdag si Jaylen Brown ng 28 points.
Hindi pinayagan ng PBA si Calvin Abueva na makasali sa Phoenix super LPG para sa nalalapit na bubble game ng PBA.
Dahil na rin ito sa indefinite suspension ni Abueva na nagsimula noong June 2019 matapos niyang hatawin sa leeg at baba ang import ng Talk N Text na si Terrence Jones na una namang pinagdiskitahan ang “kayamanan” ng Phoenix forward matapos nitong itulak ang import ng tropang texters.
Ayon kay Phoenix team manager Paolo Bugia dahil sa pagsipa kay Abueva mayroon na lamang 24 man line up sa PBA restart.
Inanunsiyo ni veteran big man Sonny Thoss ang kanyang pagreretiro matapos ang kanyang 15 taong karera sa Philippine Basketball Association (PBA).
Ayon sa ulat, nagpasya si Thoss na huwag nang ipa-renew ang kanyang kontrata sa Alaska na napaso na noon pang nakaraang buwan.
Kinumpirma naman ni Alaska team manager Dickie Bachmann na sa halip na lumagda ng panibagong kontrata ay mas pinili ni Thoss na magretiro na lamang mula sa liga.
Isa si Thoss sa mga naging susi upang makasungkit ang Aces ng tatlong korona sa PBA na ang pinakahuli ay noong 2013 PBA Commissioner’s Cup kung saan nakuha niya ang Finals Most Valuable Player award.
Matatandaang hinugot ng Alaska si Thoss bilang fifth overall sa PBA Rookie Draft noong 2004.
Buhay pa ang Boston Celtics sa Eastern Conference Finals matapos manalo sa Game 3 ng serye laban sa Miami Heat sa score na 117-106.
Nakakuha si Jaylen Brown ng 26 points habang nag-ambag si Jayson Tatum ng 25 points para sa Celtics.
Sisikapin naman ng Voston na manalo sa susunod na laro upang makatabla sa serye laban sa Miami.
Nasungkit ng Los Angeles Lakers ang 126-114 victory laban sa Denver Nuggets sa Game 1 ng Western Conference finals.
Kumamada si Anthony Davis ng 37 points at 10 rebounds habang nagdagdag si LeBron James ng 15 points at 12 assists para sa Lakers.
Gaganapin naman ang Game 2 ng kanilang best-of-seven series sa Lunes ng umaga.
Nasungkit ng Miami Heat ang 106-101 victory laban sa Boston Celtics dahilan upang makuha ang 2-0 lead sa Eastern Conference finals.
Si Goran Dragic ang nanguna sa Heat taglay ang kanyang 25 points habang nagdagdag si Bam Adebayo ng 21 points at 10 rebounds.
Samantala, target ng Miami na masikwat ang 3-0 lead sa susunod na laro at makuha ang kampeonato sa East.
Pagpapasyahan na ng Philippine Basketball Association (PBA) ngayong linggo ang magiging kapalaran ng naudlot nitong 2020 season.
Ito’y matapos mabatid na makikipagpulong si Commissioner Willie Marcial sa mga manlalaro, gayundin sa Board of Governors sa Miyerkules, Setyembre 16.
Dito umano malalaman kung itutuloy o hindi ang 45th season ng All-Filipino Cup na nasuspinde noong Marso dahil sa pandemya.
Pahayag ni Marcial, mahalaga ang input o panig ng mga manlalaro dahil sila ang maglalaro para sa PBA fans.
Pasok na sa Western Conference Finals ang Los Angeles Lakers.
Ito’y makaraang masungkit ng LA ang 119-96 victory sa Game 5 ng kanilang NBA playoffs series laban sa Houston Rockets.
Kumamada si LeBron James ng 29 points habang nagdagdag si Anthony Davis ng 13 points para sa Lakers.
Huling nakapasok sa West Finals ang Lakers noong 2010 nang gibain nila sa pangunguna ni Kobe Bryant ang Phoenix Suns hanggang sa makuha nila ang korona sa finals kontra Boston Celtics.
Hindi matutuloy ang laban ni Filipino knockout artist Mark Magsayo sa September 23 matapos magretiro ang kanyang American opponent na si Jose Haro.
Ayon sa 33-anyos na dating junior Olympian, nagpasya siyang huwag nang lumaban muli dahil ito ang hinihiling ng kanyang pamilya.
Si Magsayo ay wala pang talo sa 20 laban kung saan 14 dito’y kapwa dumapa sa lona.
Huling sumampa sa ring si Haro noong February 29 kung saan nagwagi siya sa pamamagitan ng unanimous decision laban kay Genaro Velarde.
Inilipat naman sa October 3 ang laban pero naghahanap pa ang MP Promotions ng ipapalit kay Haro.
Namaalam na sa kasalukuyang NBA season ang Toronto matapos padapain ng Boston sa score na 92-87 sa Game 7 ng kanilang Eastern Conference semifinals series.
Umiskor si Jayson Tatum ng 29 points habang nagdagdag si Jaylen Brown ng 21 points para sa Celtics.
Dahil sa panalo ng Boston, bigong madepensahan ng Raptors ang kanilang korona kaya’t makakaharap naman ng Celtics sa East finals ang Miami Heath ni Filipino-American coach Erik Spoelstra.