SPORTS

Pumanaw na si dating NBA-All Star Player Eddie Johnson sa edad na 65.

Ayon sa mga prison officials, namatay ang dating manlalaro sa loob ng kanyang selda pero hindi nito sinabi kung ano ang sanhi ng pagkamatay ng manlalaro.

 Si johnson ay mas kilala bilang si ‘Fast Eddie’ na naging manlalaro ng atlanta hawks mula 1977 hanggang 1986, at 2 beses ding naging bahagi ng nba all star mula 1980 hanggang 1981.

 Matapos mamayapag ang kanyang career, nasangkot si Johnson sa iba’t-ibang krimen gaya ng cocaine possession, kaya’t pinatawan siya ng NBA ng lifetime ban noong 1987.

 Noong 2006, hinatulan ng panghabambuhay na pagkakakulong si Johnson dahil naman sa panghahalay sa isang 8 taong gulang na babae.

Nananatiling “manageable” o kaya pang kontrolin ang sitwasyon sa ginaganap na Phlippine Basketball Association  (PBA) Bubble sa Clark Pampanga.

Ito ang inihayag ni Presidential Spokesperson Harry Roque matapos maiulat na positibo sa COVID-19 ang isa sa mga manlalaro ng PBA.

Ayon kay Roque, natugunan ng PBA at Bases Conversion And Development Authority (BCDA) ang sitwasyon sa loob ng PBA bubble.

Iginiit pa ni Roque na wala na ring pangangailangan pang magkasa ng imbestigasyon ang IATF lalo na’t nagsagawa na rin naman aniya ng contact tracing.

Dagdag ni roque, magpapatuloy pa rin ang PBA bubble sa kabila ng pangyayari.

Magugunitang inanunsyo ng PBA noong linggo na isang miyembro ng blackwater elite ang nagpositibo sa COVID-19.

Gayunman, nagnegatibo naman ang nabanggit na player sa antigen test at ikalawang round ng RT-PCR test, kahapon.

Tinalo ng Magnolia Hotshots ang Barangay Ginebra sa iskor na 102-92 sa nagpapatuloy na PBA Philippine Cup na ginanap sa Pampanga.

Lamang pa ang Ginebra ng 72-64 hanggang sa mahabol na sila ng Magnolia at malamangan pa pagsapit ng huling quarter.

Ang player naman ng Magnolia na nakapagtala ng pinaka malaking puntos si Jackson Corpuz na mayroong 20 points at 6 na rebounds, habang 15 points naman si paul lee at 14 points, 8 rebounds naman kay Ian sangalang. Sa ngayon ay mayroon nang apat na panalo at isang talo ang Barangay Ginebra.

Tinanggal na ng Philippine Basketball Association (PBA) ang ipinataw na suspensyon sa manlalarong si Calvin Abueva.

Batay ito sa ipinalabas na pahayag mula sa tanggapan ng commissioner ng PBA.

Dahil dito, sinabi ng PBA na maaari nang makabalik muli si Abueva sa paglalaro kasama ang kinabibilangang koponan na Phoenix Super LPG Fuel Masters simula bukas.

Magugunitang hunyo ng nakaraang taon nang patawan ng indefinite suspension si Abueva dahil ilang mga hindi magandang insidenteng kinasangkutan.

Samantala, nakatakda naman bukas Oktubre a-26 ang laban ng Phoenix kontra Road Warriors sa ginaganap na PBA bubble sa Clark, Pampanga.

Nasungkit ng NorthPort ang una nitong panalo sa 2020 PBA Philippine Cup.

Ito’y makaraang pataubin ng Batang Pier ang Terrafirma Dyip sa score na 107-96.

Itinanghal namang player of the Game si Kelly Nabong na nakapagtala ng 18 points at pitong rebounds.

Samantala, sa isa pang laro, pinadapa naman ng San Miguel Beermen ang Alaska Aces sa score na 92-88.

Pursigido si reigning WBC at IBF World Welterweight Champion Errol Spence, Jr. na makatapat si WBA World Welterweight Champion Manny Pacquiao.

Si Spence ay nakatakdang i-depensa ang kaniyang title belts  laban kay dating Light Welterweight at Welterweight champion Danny Garcia sa December 5 sa Texas.

Ayon kay Spence  matapos si Garcia puntirya yang pabagsakin si Pacman na aniya’y palaos na kaya’t nais niyang siya ang huling makalaban ng Pambansang kamao.

Ipinagmamalaki ni Spence na isang living legend si Pacman at hindi pa siya nakasagupa ng parehong kalibre ng senador.

Hindi lamang aniya boxing star si Pacquiao kundi isang icon at megastar.

Sinabi ni Spence na dadalhin siya sa kakaibang popularidad nang pakikipag basagan niya ng mukha sa fighting senator.

Natalo ng Rain or Shine ang Northport sa iskor na 70-68 sa nagpapatuloy na 2020 PBA Philippine Cup na ginanap sa AUF gym sa Angeles City, Pampanga.

Itinuturing naman na isang Bayani si Rey Nambatac dahil bukod sa 10 points nitong naipasok siya rin ang naka-iskor ng 2 free-throws sa natitirang 1.3 seconds sa huling quarter ng laro.

Bukod kay Nambatac, nakapag tala rin si Adrian Wong ng 15 points habang 11 points nama si Sidney Onwuebere.

Samantala, hindi naman kuntento sa iskor si Rain or Shine coach Caloy Garcia, dahil hindi aniya nalalayo ang kanilang kalamangan sa pagkapanalo.

Naniniwala naman si Garcia na napagod lamang sa tatlong magkakasunod na laro ang kanyang koponan kung kaya’t bumagal ang laro.

Dahil naman sa pagkapanalong ito ng Rain or Shine mayroon na silang 3 pagkapanalo at wala pang talo sa 2020 PBA Philippine Cup.

Nilinaw ni Ginebra coach Tim Cone na hindi pa makakasama sa mga laro ng Barangay Ginebra si Greg Slaughter sa PBA bubble sa Clark, Pampanga.

Kasabay nito, sinabi naman ni Cone na babalik na sa Gin Kings si Slaughter sa susunod na PBA conference pero hindi pa tiyak kung kailan ito lalahok sa mga isasagawang praktis.

Ayon kay Cone, maganda ang kinalabasan ng pakikipag-usap nila sa kampo ni Slaughter matapos mapaso ang kontrata nito ilang buwan na ang nakalipas.

Posible nang masimulan ng Philippine Super Liga ang kanilang beach volleyball tournament sa Nobyembre 27 hanggang 29 na gagawin sa Subic, Zambales.

Ito’y makaraang makakuha na ng go signal mula sa Inter-Agency Task Force (IATF) ang PSL upang maisagawa ang kanilang liga.

Ayon kay Presidential Spokesman Harry Roque, maaari nang ilarga ang beach volleyball subalit kailangang naka-bubble type ito tulad ng ginagawa ngayon sa PBA.

Gayunman, patuloy na naghihintay ang PSL board sa pasya ng gobyerno hinggil sa pagsasagawa ng training at tournament sa indoor volleyball league.

Pormal nang lumagda sa California based management firm Paradigm Sports si Senador Manny Pacquiao.

Dahil dito uminit pa ang mga haka hakabang tuluyan nang makikipagsagupa ang pambansang kamao kay MMA expert Conor Mcgregor.

Sa kaniyang post  sa Instagram ipinakita ni Pacman ang kontrata kasabay ang pagsasabing excited siyang makipag-partner sa Paradigm Sports para maituloy ang kaniyang professional boxing journey.

May pa-teaser pa ang pound for pound king sa kaniyang fans na hintayin ang aniya’y malaking bagay na darating sa kaniyang karera matapos lumagda sa Paradigm Sports.

Una nang na headline sina Pacman at Mcgregor sa buong mundo nuong isang buwan matapos kapwa ibunyag ng dalawang kampo ang pina-plantsang bakbakan ng mga ito sa ibabaw ng boxing ring.

Sa kabila ito ng mga napapaulat na paglaban ng fighting senator kay Mike Garcia habang si Mcgregor naman ay tinanggap na umano ang makikipagsagupa kay Dustin Poirier bago matapos ang taong ito.