RONDA PROBINSYA

Kalaboso ang isang chinese national habang pagala-gala sa isang residential area sa loob ng industrial park na may sukbit na baril sa beywang sa Bacoor, Cavite.

Kinilala ang suspek na si Zhen Tian Chen.

Ayon sa mga otoridad, nagsasagawa ng routine inspection sa nasabing gusali ang security guard na si Rufino Sangarios nang namataan nito ang suspek na pagala-gala.

Nakuha sa suspek ang isang kalibre 22 na baril at katorseng bala.

Nahahrap ang chinese national sa kasong paglabag sa RA10591 at Section 261 Omnibus Election Code BP#881. —sa panulat ni Kim Gomez

Patay ang isang rider matapos mabundol ang sinasakyang motorsiklo ng um-overtake na van sa Calatagan, Batangas.

Kinilala ang biktima na si Danilo Hernandez, 40 anyos, isang foreman, habang hindi pinangalanan ang driver ng van.

Ayon sa mga otoridad, sinubukang mag-overtake ng van sa mga sasakyang nasa unahan nito pero bumangga ito sa kasalubong na motor na minamaneho ng biktima.

Sa lakas ng impact ay tumilapon sa kalsada ang rider na nagtamo ng injuries sa iba’t ibang parte ng katawan na agad dinala sa ospital ngunit idineklarang dead on arrival ng mga doktor.

Sa ngayon, nasa kustodiya na ng mga pulis ang driver at inaayos ang kaukulang kasong isasampa laban sa suspek —sa panulat ni Kim Gomez

Tiklo ang apat na inidibidwal sa loob ng hinihinalang drug den matapos ang ikinasang entrapment operation ng PDEA Zambales at Zambales Police.

Kinilala ang mga suspek na sina Virgilio, 58-anyos, alyas Arvin, 52-anyos, alyas richard, 38-anyos at alyas graciel, 33-anyos.

Nakumpiska mula sa operasyon ang limang sachet na naglalaman ng 15 gramo na nagkakahalaga ng mahigit 102K, mga gamit sa droga at buy-bust money.

Nahaharap naman ang mga suspek sa kasong paglabag sa Comprehensive Dangerous Drugs Act of 2002. - sa panulat ni Airiam Sancho 

Arestado ang isang miyembro ng Abu Sayyaf Group (ASG) sa isinagawang buy bust operation ng mga pulis sa Taguig City.

Kinilala ang suspek na si Fahad Dumayag, 31-anyos.

Nakuha mula sa suspek ang labing dalawang gramo ng shabu na nagkakahalaga ng P81,600 , isang 40mm m203 grenade at isang rifle grenade.

Ayon sa mga otoridad, si dumayag ay kasangkot sa pagkidnap sa mga miyembro ng Jehovah’s Witnesses noong 2002 at Lamitan Siege kung saan kinuha nila ang isang ospital at isang simbahan noong hunyo 2001.

Inihahanda na ng mga pulis ang kaukulang kasong isasampa laban sa supek. - sa panulat ni Kim Gomez 

Patay ang isang abogadong tumatakbong konsehal matapos pagbabarilin ng hindi kilalang armadong mga lalaki sa kaniyang opisina sa Batangas.

Kinilala ang biktima na si Atty. Reginald Michael Manito.

Blangko pa ang mga otoridad sa dahilan ng mga suspek sa ginawang pagpatay sa biktima.

Patuloy ang imbestigasyon ng mga pulis para matukoy ang pagkakakilanlan ng mga salarin na nakuhanan sa CCTV.  -sa panulat ni Kim Gomez 

Patay ang isang barangay kagawad matapos pagbabarilin sa tapat ng sarili nitong bahay ng mga hindi kilalang armadong lalaki sa  Kawit, Cavite.

Kinilala ang biktima na si Crisanto Villanueva.

Ayon sa mga pulis, pulitika ang sinasabing dahilan sa pagpatay sa biktima.

Base sa kuha ng CCTV, nakaparada malapit sa bahay ng biktima ang dalawang suspek na nakasuot ng baseball cap. Lumapit ang isa sa mga ito sa biktima at nagpaputok ng dalawang putok.

Sa ngayon, patuloy na pinaghahanap ang pagkakakilanlan ng mga tumakas na suspek at imbestigasyon sa motibo ng pagpatay sa barangay kagawad.  – sa panulat ni Kim Gomez 

Kalaboso ang isang pulis matapos ireklamo nang pangangarnap ng motorsiklo at makuhanan pa ng shabu sa Malabon City.

Kinilala ang suspek na si PNP member Jomar Castillo, 32-anyos.

Ayon sa imbestigasyon ng mga pulis, ini-report ni Niño Joseph Florendo Adriano, 27-anyos, ang nawawala nitong motorsiklo na pinarada at iniwan sa kahabaan ng Gen. Luna corner Bernardo St., Brgy., Concepcion sa nasabing lungsod.

Nasamsam ng mga otoridad ang isang sling bag, isang transparent plastic sachet na naglalaman ng tinatayang nasa 4.28 grams ng shabu na nasa P29,104 ang halaga at PNP issued firearm na isang Jericho 45 fs na may isang magazine at sampung bala.

Nahaharap ang suspek sa kasong paglabag sa RA 10883 o ang New Anti-Carnapping Act of 2016, Omnibus Election Code at RA 9165 o ang Comprehensive Dangerous Drug Act of 2002. - sa panulat ni Kim Gomez 

Patay ang isang babae matapos pagbabarilin ng kanyang kinakasama dahil sa selos sa isang hotel sa Manila.

Kinilala ang biktima na si Joy Gemino habang nadakip ang suspek na si Ronald Campos.

Ayon sa mga otoridad, nakita ng mga hotel staff na mainiit na nagtatalo ang dalawa dahil sa pagseselos ng lalaki. Sa gitna ng pagtatalo, niyakap muna ng lalaki ang biktima bago magkakasunod na pinaputukan ng baril.

Nakumpiska sa suspek ang isang kalibre .9mm baril na may isa pang bala.

Nakakulong na at nahaharap sa kasong murder ang suspek. –  sa panulat ni Kim Gomez 

Inihayag ng Department Agriculture Regional Field Office-Region 2 (DA-RF02) na magpapatuloy ang subsidy ng fertilizer para sa mga magsasaka sa Cagayan Valley habang nananatiling mataas ang presyo ng farm input sa bansa.

Ayon kay DA-RFO2 Executive Director Narciso Edillo, lumiit ang supply ng fertilizer na nagmumula sa ibang bansa.

Dadag pa ni Edillo na nananatiling mahal ang transport cost at inuuna ng mga bansang gumagawa ng fertilizers ang kanilang domestic agriculture at binabawasan ang quota nito para sa export.

Gayunpaman, binigyang diin ng opisyal, na ang fertilizer program sa ilalim ng Rice Resiliency Project 2  (RRP2) ay masusustinihan upang maipagpatuloy ang produksyon ng palay sa rehiyon ngayong tag-araw na panahon ng pagtatanim.

Samantala, ipinaliwanag din ni Edillo na ang mga magsasaka na dati nang nabigyan ng supply ng libreng binhi at nakarehistro sa Registry System for Basic Sectors in Agriculture (RSBSA) ng ahensya ay kwalipikadong tumanggap ng supply ng libreng abono mula sa DA. – sa panulat ni Kim Gomez