INTERNATIONAL NEWS

Pinalilikas na ng Russian government ang mga residente sa Kherson City kasunod ng rocket attack ng Ukraine kung saan, target nito ang mga imprastraktura at mga bahay sa lungsod.

Ayon sa russian forces sa Ukraine, mahirap ang sitwasyon ngayon sa Southern City ng Kherson kaya sapilitan nang pinalilikas ang mga residente.

Matatandaang kabilang ang Kherson sa mga rehiyon ng Ukraine na naging annex o naangkin ng Russia sa gitna ng patuloy na bakbakan ng dalawang bansa.

Sa kabila nito, siniguron ng russian forces na kanilang uunahin ang kaligtas ng mga lumilikas na residente sa Kherson.

Nararanasan na ngayon sa Ukraine ang malawakang blackouts.

Ito ay matapos mawala ang hindi baba sa 40 % ng power-generating capacity nito matapos ang pag-atake ng Russia sa mga energy infrastructures.

Ayon sa Ukrainian Energy Officials, wala na silang nagawa kundi magpatupad ng emergency at scheduled blackouts matapos atakihin ng cruise missiles at drone strikes ng Russia.

Matatandaang una rito, nagdeklara ng martial law si Russian President Vladimir Putin sa 4 na rehiyon ng Ukraine.

Nadagdagan pa ang death toll sa ebola epidemic na idineklara noong nakaraang buwan sa Uganda.

Ayon kay World Health Organization (WHO) Chief Tedros Adhanom Ghebreyesus, mayroong 60 kumprimadong kaso at 20 probable cases ng ebola, kung saan 44 ang nasawi at 25 ang nakarekober.

Matatandaang nagdeklara ng tatlong linggong lockdown si Ugandan President Yoweri Museven sa dalawang high risk districts dahil sa pagsirit ng ebola infections.

Nabatid na lumalaganap ngayon sa naturang bansa ang isang strain na tinawag na Sudan ebola virus, kung saan wala pang available na bakuna laban dito.

Sinabi naman ng WHO na posibleng masimulan na sa mga susunod na linggo ang clinical trials sa mga gamot upang labanan ang naturang strain.

Nagdeklara ng martial law si Russian President Vladimir Putin sa apat na rehiyon na sakop ng Ukraine.

Kasunod ito ng pagtanggi ng Kyiv Regime na kilalanin ang Russia at tanggihan ang iba’t-ibang panukala kaugnay sa pakikipag negosasyon upang mahinto na ang sagupaan kung saan, marami nang sibilyan ang nadamay at nasawi.

Kabilang sa 4 na rehiyon na inangkin ng Russia, ang Donetsk, Lugansk, Kherson at Zaporizhzhia makaraang masakop ito ng moscow sa gitna ng bakbakan sa pagitan ng dalawang bansa.

Sa ilalim ng batas na ipinatupad ng Russia, papayagan nito ang pagpapalakas ng militar, pagkakaroon ng curfew at magiging limitado na ang paggalaw sa apat na rehiyon.

Bukod pa dito, magkakaroon din ng censorship at interning sa mga dayuhang mamamayan.

Siniguro din ni Putin ang seguridad ng kanilang bansa para maprotektahan ang kaniyang nasasakupan laban sa kanilang mga kaaway na bansa.

Ipinag-utos na ng commander ng russian forces ang paglikas ng kanilang residente sa Kherson City dahil sa Rocket Attack ng Ukraine.

Ayon kay General Segei , uunahin na nilang iligtas ang kanilang mga residente matapos targetin ng Ukraine troops ng Himar rockets ang mga imprastraktura at mga bahay sa lungsod.

Nagbabala naman si Russian-installed Regional Official Kirill Stremousov sa mga residente ng kherson sa posible pang pagsalakay ng Ukrainian troops.

Ang Kherson ay Port City ng Ukraine na nagsisilbing administrative centre of Kherson Oblast.

Gigibain na ng Indonesia ang Indonesian Football Stadium na lugar kung saan nasawi ang mahigit 100 katao.

Ito ay matapos magkaroon ng stampede sa gitna ng laban kontra Rema Fc at katunggali nito na Persebaya Surabaya, na itinuturing na “One of the darkest days for football.”

Ayon kay Indonesian President Joko Widodo, gigibain at itatayo muli ang stadium alinsunod sa standards ng FIFA.

Titiyakin naman sa bagong itatayong stadium na magkakaroon na ito ng maayos na pasilidad para sa kaligtasan ng mga manlalaro at tagasuporta.

Patay ang 18 katao sa Western Russia matapos bumagsak sa isang residential building ang SU-34 Fighter Jet.

Ayon sa Russian Defense Ministry, nangyari ang insidente matapos umapoy ang makina ng jet.

13 katawan ang nakuha sa insidente kabilang ang 3 bata.

Sugatan naman ang 25 katao na isinugod na sa ospital para sa agarang lunas.

Sa ngayon, ipinag-utos na ni Russian President Vladimir Putin sa mga otordad na maghanda ng kinakailangang tulong para sa mga pamilya ng mga biktima.

Umakyat na sa walo ang bilang ng mga nasawi sa naganap na sunog sa Evin Prison sa Iran.

Ayon sa mga otoridad, smoke inhalation ang ikinamatay ng mga biktima.

Aabot sa 70 inmates ang nasagip mula sa insidente habang anim na iba pa ang nananatili sa ospital.

Sa ngayon ay hindi pa malinaw kung ano ang sanhi ng sunog.

Masusi namang binabantayan ng European Union at Us ang insidente at nanawagan sa Tehran na tiyakin ang kaligtasan ng mga preso.