INTERNATIONAL NEWS

Nakipagpulong sa presidente ng France si Pope Francis upang talakayin ang mga hakbang hinggil sa nagpapatuloy na bakbakan sa pagitan ng Russia at Ukraine.

Nabatid na nababahala ang Santo Papa dahil sa paglala ng tensiyon bunsod ng patuloy na palitan ng pag-atake ng dalawang nabanggit na bansa kung saan, marami nang buhay ang nasawi at nasugatan.

Dahil dito, gumamit na umano ng tungkod si Pope Francis dahil sa problema sa kaniyang tuhod upang makausap lang si French President Emmanuel Macron sa Vatican.

Layunin ng Santo Papa at ang pangulo ng France na matigil na ang Russia-Ukraine war para sa kapayapaan, pagkakaisa, at kaligtasan ng bawat mga bansa.

Tiniyak ng bagong British Prime Minister na si Rishi Sunak na plantsahin nito ang mga gusot na naiwan ng resigned prime minister na si Liz Truss.
Sa isinagawang unang pulong matapos ang pormal na pa-upo sa posisyon, inamin ni Sunak na hindi magiging madali ang pagharap sa economic crisis ngunit tiniyak nito na gagawin niya ang lahat para maayos ang mga iniwang problema ng dating administrasyon.
Magugunitang, nagbitiw si Truss sa puwesto sa gitna ng economic meltdown na idinulot ng kanyang tax cut orders.

Patay ang 11 indibidwal kabilang na ang mga bata habang 6 ang nasa kritikal na kondisyon matapos ang sunog na naganap sa dormitory ng isang paaralan sa Kampala, Uganda.

Batay sa Uganda Police Force, sumiklab ang apoy habang natutulog ang mga bata sa salama school for the blind sa mukono district.

Samantala, hindi pa natutukoy ang dahilan ng naturang insidente.

Nasawi ang 30 katao habang sugatan naman ang maraming iba matapos ang gulong sumiklab sa pagitan ng mga komunidad sa remote Trobriand Islands sa Papua New Guinea.

Ayon kay Provincial Police Commander Peter Barkie, noon pang pagsisimula ng 2022 sumiklab ang gulo sa pagitan ng dalawang local football teams.

Hindi na umano nakontrol ang gulo na humantong sa pagkasawi ng ilan.

Sa ngayon, nagdagdag na ng pwersa ng militar sa Trobriand Islands para magbantay sa mga komunidad.

Patay ang tatlong indibidwal sa naganap na pamamaril sa St. Louis High School sa siyudad ng Missouri sa Estados Unidos.

Ayon sa awtoridad, kabilang sa mga nasawi ang gunman na kinilalang si Orlando Harris, nakipagpalitan umano ng putok sa mga rumespondeng pulis na nagresulta sa pagkamatay nito.

Nabatid na dating estudyante ng nasabing paaralan ang 19-anyos na suspek at walang criminal history.

Nasawi rin sa insidente ang 61-anyos na guro at 16-anyos na babae habang pitong iba pa ang nasugatan.

Sa ngayon ay hindi pa malinaw kung ano ang motibo ng suspek sa pamamaril.

Nagpalitan ng warning shot ang North at South Korea matapos nilang akusahan ang isa’t isa na lumabag sa kanilang maritime borders sa gitna ng tumitinding tensyon ng mga militar forces.

Ayonsa South Korean forces, nagbigay sila ng warning shot o babala sa North Korean vessel na tumawid sa kanilang Northern limit line.

Inihayag naman ng North Korean forces, na nagpaputok ang South Korean army ship ng sampung beses mula sa kanilang rocket launcher system.

Nabatid pinagtatalunan ng Pyongyang ang Northern limit line mula pa  noong 1990.

Sinabi ng South Korea na magsasagawa sila ng apat na araw na pagsasanay sa kanlurang baybayin at kasama ang 20 barko ng pandigma,

Kabilang dito ang aegis-equipped destroyer at mga asset ng US tulad ng apache attack helicopters at A-10 strike aircraft. —mula sa panulat ni Jenn Patrolla

Nasawi ang dalawang indibidwal sa pananalasa ng Bagyong Roslyn sa Mexico nitong linggo.
Tumama ang hurricane Roslyn sa Santa Cruz, hilagang bahagi ng Nayarit, bilang Category 3 na nagdulot ng malakas na pag-ulan at pagbaha.
Ibinaba naman ito sa isang tropikal na bagyo na may maximum sustained winds na apatnapu’t limang milya bawat oras ayon sa U.S. National Hurricane Center.
Sa huling datos, ganap nang tropical depression si Roslyn nito kahapon.
Samantala, maliit na pinsala lamang ang naiulat sa kalapit na Jalisco, ayon sa gobernador Estado at naibalik na rin ang operasyon sa paliparan ng puerto vallarta na isang International Airport. - sa panunulat ni Hannah Oledan