FEATURES

Tila pampelikula o teleserye ang buhay ni Zhang Huaiyuan mula sa China.

Sa loob ng 33 taon, lumaki sa hirap si Zhang sa isang maliit na nayon sa probinsya.

Sa edad na 17, kinailangan niyang huminto sa pag-aaral upang kumayod at makatulong sa kanyang mga magulang.

Ngunit nang pumanaw ang kanyang ama noong 2023, isang nakagugulat na rebelasyon ang ibinunyag sa kanya ng kanyang ina: hindi sila ang tunay niyang magulang.

Siya pala ay anak ng mga milyonaryong negosyante!

Sa tulong ng mga pulis, sa wakas ay nakita ni Zhang ang kanyang totoong pamilya.

Mga luha at mahigpit na yakap ang sumalubong kay Zhang nang makaharap ang kanyang mga magulang at kapatid sa kauna-unahang pagkakataon.

Inabutan din siya ng kanyang ama ng bank card na may lamang 1.2 million yuan o mahigit P9.5 million.

Ayon sa ulat, idineklara ng doktor na nagpaanak sa ina ni Zhang na namatay ito bilang premature baby.

Subalit ang totoo, buhay na buhay ito at ipinaampon lamang ng doktor sa kanyang kamag-anak na hindi biniyayaan ng anak.

Lumaki man sa hirap si Zhang, nakapagpundar siya ng maliit na pabrika. Mayroon na rin siyang asawa at sariling anak.

Patunay ang kwento ni Zhang na puno ng milagro ang buhay. Ngayong natagpuan niya ang kanyang tunay na pamilya, natagpuan na rin niya ang yaman na hindi lamang materyal, kundi ang pagmamahal na noon ay ipinagkait sa kanya.

Kinaaaliwan ng mga netizen ang kwento tungkol sa isang lalaki na nag-resign sa kanyang trabaho bilang service crew.

Ang dahilan? Wala na raw siyang oras sa kanyang jowa!

Ayon sa ulat, laging inaaya ang lalaki ng kanyang girlfriend na makipag-date sa kanya tuwing Biyernes at Sabado. Ngunit dahil may pasok siya sa mga araw na iyon, hindi niya napagbibigyan ang request ng kanyang jowa.

Sinabihan siya ng kanyang girlfriend na puro na lamang dahilan. May pasok kasi ang lalaki mula Lunes hanggang Sabado, at tuwing Linggo naman, hindi pa rin sila makalabas dahil kailangan niyang maglaba, magsimba, at magpahinga.

Dahil ayaw ng lalaki na hiwalayan siya ng kanyang jowa, napagdesisyunan niya na lamang umalis na sa kanyang trabaho.

Hiling niya sa kanyang boss, sana maintindihan nito ang kanyang desisyon.

Sari-sari naman ang reaksyon ng mga netizen na karamihan ay natawa sa pangyayari.

Komento ng isang netizen, may oras na nga silang mag-date, pero wala naman na silang panggastos sa date.

Biro pa ng isa, “Sana all kayang i-give up ang pera para sa jowa.”

Seryoso naman ang ilang netizen at sinabihan ang lalaki na dapat huwag pabayaan ang trabaho dahil mahirap mawalan nito sa panahon ngayon. Payo ng iba, time management lamang ang kailangan.

At the ninth #MadebyGoogle event, Google showcased how it is bringing the best of Google AI to the Pixel and Android ecosystems.

Alongside the unveiling of the latest additions to the Pixel portfolio – the Pixel 9, Pixel 9 Pro, Pixel 9 Pro XL, and the new Pixel 9 Pro Fold – Google emphasized its commitment to integrating advanced AI capabilities into its devices, enhancing user experiences across both Pixel phones and the broader Android platform.

With Gemini being fully integrated into the user experience, Pixel and Android devices deliver a bigger range of more innovative and helpful features, including:

●        Gemini Live: Subscribers of Gemini Advanced can now have a natural, fluid, and incredibly intuitive back-and-forth dialogue with your AI assistant. Gemini can seamlessly follow along, just like a person would.

●        Gemini Overlay: Starting today, you can bring up Gemini’s overlay on top of the app you’re using to ask questions about what’s on your screen. For example, you can find specific information about a YouTube video you’re watching. You can also generate images directly from the overlay and drag and drop them into apps like Gmail and Google Messages.

●        More apps and extensions powered by Gemini. Gemini can help with tasks big and small by integrating with all the Google apps and tools you use today. And unlike other assistants, it does so without you having to jump between apps and services. Google is launching new extensions in the coming weeks, including Keep, Tasks, Utilities and expanded features on YouTube Music. Let’s say you’re hosting a dinner party: Have Gemini dig out that lasagna recipe Jenny sent you in your Gmail, and ask it to add the ingredients to your shopping list in Keep. And since your guests are your college friends, ask Gemini to “make a playlist of songs that remind me of the late ‘90s.” Without needing too many details, Gemini gets the gist of what you want and delivers.

Moreover, Gemini has also been redesigned for different smartphone makes. Those on foldable phones like the Samsung Galaxy Z Fold6 can open the Gemini in a multi-window, split-screen experience.

As part of its ongoing commitment to user privacy and security while driving innovation, Google’s Gemini is designed to safeguard personal information through a secure, all-in-one approach that avoids reliance on third-party AI providers. Additionally, the introduction of Gemini Nano, a large on-device multimodal AI model, enables secure processing of sensitive data directly on the phone.

Gemini is now available in 45 languages across more than 200 countries and territories, supporting hundreds of phone models from various manufacturers.

For more information about the Made by Google announcements, please visit https://blog.google/products/platforms-devices/made-by-google-2024-collection/.

Sa halip na estudyante, isang itim na oso ang pumasok sa isang silid-aralan ng gurong si Elaine Salmon mula sa California.

Ayon sa ulat, umalis muna ang guro sa kanyang silid-aralan; ngunit nang bumalik siya rito, nakita niya ang itim na oso na kinakain ang granola bars mula sa emergency earthquake kit ng kanyang klase.

Agad na isinara ni Elaine ang kanyang classroom upang ikulong ang oso, subalit naiwan niya sa loob ang kanyang cellphone.

Nagtungo ang guro sa main office ng paaralan upang tawagan ang kanyang asawang si Ian Sawrey na nagkataong eksperto sa mga oso.

Mabilis na rumesponde si Ian na nagpalabas sa oso. Ligtas naman ang oso at ang mga tao sa paligid. Wala ring nasirang kagamitan sa loob ng silid-aralan, bukod sa earthquake kit na may lamang pagkain.

Hindi na bago sa California at sa ibang bahagi ng mundo ang mga oso at ibang hayop na nanghihimasok sa mga bahay, paaralan, at iba pang establisyemento. Dahil ito sa patuloy na pagwasak ng mga tao sa kanilang natural habitat.

Sa halip na gambalain at sirain ang likas na tirahan ng mga mababangis na hayop, mas mabuting igalang natin ang kanilang teritoryo upang mapanatili ang balanse ng kalikasan at matiyak na rin ang ating kaligtasan.

Kumukonsumo ang isang average Japanese person ng 10 grams ng asin sa isang araw.

Doble ito sa inirekomendang less than 5 grams na sodium intake ng World Health Organization (WHO).

Dahil dito, nagbenta ang Japanese company na Kirin ng isang battery-operated na kutsara na nagpapaalat sa pagkain!

Ito ang tinatawag na Electric Salt Spoon.

Gawa ang Electric Salt Spoon sa plastic at metal na pinapagana ng rechargeable lithium battery.

Inimbento ito upang maging malasa pa rin ang pagkain, kahit wala itong asin.

Naging posible ito sa pamamagitan ng pagpasa ng mahinang electric current sa dulo ng kutsara na nagco-concentrate ng sodium ion molecules sa dila na nagpapaalat sa panlasa.

Mabibili online ang Electric Salt Spoon sa halagang ¥19,800 o mahigit P7,600.

Iniuugnay ang sobrang sodium intake sa pagtaas ng kaso ng high blood pressure, stroke, sakit sa puso, at iba pa, kaya malaking tulong ang pagbabawas ng pagkonsumo ng asin.

Habang mas gusto nating kumain ng malasa at masasarap na pagkain, mahalaga pa rin na una nating isaalang-alang ang ating kalusugan.

Sa Pilipinas, kung saan mataas din ang sodium intake na 10.4 grams ng asin kada araw, posibleng maging kapaki-pakinabang ang teknolohiya na katulad ng Electric Salt Spoon.

Bumuhos ang mga papuri at positibong komento para sa rider ng isang ride-hailing service na si Jester Carillo.

Hindi niya kasi sinisingil ng pamasahe ang kanyang mga pasaherong estudyante!

Ito ang ibinahagi sa social media ng isang college student na nakaranas sa kabutihan ng rider.

Ayon kay Aira Artugue na noo’y freshman student, hindi tinanggap ni Jester ang kanyang bayad na P91 para sa kanyang biyahe patungo sa kanyang paaralan sa Centro Escolar University sa Legazpi Village, Makati.

Pinilit ni Aira na iabot ang kanyang pamasahe at sa halip na kunin ito, humingi pa ng tawad ang rider dahil hindi talaga siya tumatanggap ng bayad mula sa mga estudyante.

Mas naantig pa si Aira at ang mga netizen sa iniwang mensahe ni Jester na nagsabing, “Mag-aral po kayo mabuti at sa ibang tao niyo na lang po ibalik ang kabutihan na naranasan ninyo sa akin. God bless you.”

Dahil sa kagandahang-loob at pagmamalasakit ng rider, maraming netizen ang patuloy na humahanga sa kanya. Marami rin ang nagsabing hindi man siya Olympic athlete, ngunit ang puso niya ay tunay na ginto.

Para naman kay Aira, dapat gawing inspirasyon ang mga katulad ni Jester upang maging isang marangal at mabuting tao.

Sa halip na panoorin ang pelikula, nakatutok ang mga tao sa pagliligtas sa isang lalaki sa loob ng isang sinehan sa Shandong, China.

Halos hindi na kasi makahinga ang lalaki matapos na mabilaukan sa kinakaing popcorn.

Ang dahilan nito? Sobrang pagtawa sa pinanonood na pelikula!

Isang lalaki ang nakapansin sa lumalalang sitwasyon ng biktima.

Bagamat wala pang karanasan sa pagsasagawa ng Heimlich maneuver, sinubukan niya itong gawin sa biktima dahil walang ibang rumeresponde.

Katulong ang kanyang asawa, matagumpay nilang natanggal ang nakabarang popcorn sa lalamunan ng biktima sa pamamagitan ng paggaya sa technique na napanood niya sa social media.

Sa kabutihang-palad, happy ending pa rin ang kinahinatnan, hindi lamang sa pelikula, kundi pati sa buhay ng nailigtas na lalaki; salamat sa mabilis na pag-iisip at pagkilos ng isang concerned citizen.

Naantig ang isang lalaki mula sa Lala, Lanao del Norte matapos ilibre ng isang pulubi.

Kwento ng content creator na si Eryck Paolo, 2015 pa lang ay kaibigan na niya ang pulubing si ate Membot.

Madalas tumambay noon si ate Membot sa isang bakery na malapit sa pinagsasanayan ng sayaw nina Eryck at ng kanyang grupo.

Hanggang sa isang araw, inabot ng gutom si Eryck dahil madaling araw nang natapos ang kanilang practice. Wala na ring bukas na tindahan sa oras na iyon.

Hindi nagdalawang-isip si ate Membot na ibigay kay Eryck ang kanyang naitabing tinapay. At simula noon, naging matalik na magkaibigan na ang dalawa.

Sinuklian ni Eryck ang kabutihang ipinakita sa kanya ni ate Membot. Nang magkaroon siya ng sariling sahod, tinutulungan at binibigyan niya ng pagkain ang pulubi, maging noong birthday nito. Madalas pa silang magkasabay kumain.

Kamakailan lamang, nakatambay sa kainan si Eryck. Hindi siya makabili ng pagkain dahil wala siyang barya. Saktong napadaan dito si ate Membot at tinanong ang lalaki kung ano ang gusto nitong kainin at inumin. Nang pabirong tinanong ni Eryck kung ililibre raw ba siya nito, ang sagot ng pulubi, “Oo, sagot ko na ngayon”.

Patunay ang kwento nina Eryck at ate Membot na hindi nasusukat ng materyal na bagay at walang hinihinging kapalit ang tunay na pagkakaibigan. Sa simpleng kabutihan at pagmamalasakit, nabubuo ang isang koneksyon na mas malalim kaysa anumang yaman.

Umani ng papuri mula sa mga netizen ang isang bus driver matapos nitong iligtas ang isang asong pagala-gala sa kalsada.

Sa mga larawang ibinahagi sa social media, makikita ang aso na kumportableng nakasakay sa bus habang pinapainom ng tubig mula sa isang plastic cup.

Ayon sa ulat, natagpuan ng bus driver ang aso na tila nalilito habang palakad-lakad sa gitna ng kalsada.

Hindi siya nagdalawang-isip na ihinto ang minamanehong pampasaherong bus upang sagipin ang aso mula sa pagkasagasa.

Nang matiyak na ligtas na ang aso sa loob ng bus, binigyan niya ito ng pagkain at tubig.

Natuwa naman ang mga pasahero sa nasaksihang nakaaantig na eksena, kaya agad nila itong kinuhanan ng larawan at ipinost sa social media.

Agad naman itong pinusuan ng mga netizen. Marami sa kanila ang nagpahayag ng paghanga at respeto sa bus driver dahil sa pagsagip nito sa aspin. May ilan ding humiling na sana dumami ang katulad niyang animal lover. Hangad nila, bumuhos pa ang biyaya na matatanggap ng bus driver.

Dahil sa ipinakitang kabutihan ng bus driver, isang inosenteng buhay ang nailigtas. Nagbigay rin ito ng inspirasyon sa mga netizen na laging magpakita ng pagmamalasakit sa kapwa—sa tao man o sa hayop.