FEATURES

Masama sa kalusugan ang kulang sa tulog ngunit may masama ring epekto sa kalusugan ang labis na pagtulog.

Inirerekumenda na 5 hanggang 9 na oras lamang ang oras ng tulog ng isang tao.

Ayon sa mga eksperto, ang sobra sobrang pagtulog ay may kinalaman sa sakit sa puso at dugo, obesity, diabetes at depression.

Ngunit para matiyak ang sapat na tulog sa isang araw ay maaari namang mag-“power nap”.

Ipinapayo rin ng mga eksperto na kapag matutulog na sa gabi ay huwag gumamit ng gadgets bilang pampaantok.

Pinakamabuti pa rin daw kung matutulog sa gabi, pero kung hindi ito maaari dahil sa oras ng trabaho o pag-aaral, ay dapat na pumili ng akmang schedule ng pagtulog at siguruhing mapapanatili ang ganitong schedule. —sa panulat ni Hyacinth Ludivico

Isa raw sa dahilan ng pagtaba ng isang tao ang pagpupuyat.

Sa pag-aaral na isinagawa sa University of Arizona,  ang kakulangan ng tulog o pagpupuyat ay nagpapataas ng tyansa na maging obese o diabetic ang isang indibidwal.

Ito’y dahil ang pagpupuyat ay nagpa-pataas ng pagkatakam sa mga junk food at pagkain ng disoras ng gabi na kalimitang hindi na nasusunog ng katawan.

Sa kaparehong pag-aaral sa United Kingdom, lumalabas na ang pagpupuyat ay nagreresulta sa pagtaba o paglapad ng bewang.

Ang mga natutulog lamang ng 6 na oras ay nagkakaroon ng dagdag na tatlong sentimetro o higit pa sa kanilang waisline kumpara sa mga tao na 9 na oras ang tulog.

Sa isa pang pag-aaral sa UK, lumalabas na ang mga bata at teenager na kulang ang oras ng tulog ay may mas malaking tyansa na maging obese. —sa panulat ni Hyacinth Ludivico

Alam niyo ba ang Celery o Kintsay ay maraming taglay na nutrisyong pangkalusugan?

Ayon sa mga eksperto, ang Celery o Kintsay ay isang crispy, crunchy na gulay na talagang maraming benepisyo sa kalusugan.

Ito’y nagtataglay ng antioxidant na nagpoprotekta sa daloy ng dugo.

Naglalaman rin ang kintsay ng Vitamin C at nutrients na matatagpuan mismo sa tangkay nito.

Nakakatulong din ang Kintsay na mabawasan ang pamamaga ng katawan at maiwasan ang mga sakit sa buto at osteoporosis.

Bukod dito, may mga minerals din ito tulad ng magnessium, iron at sodium na nakakatulong sa kalusugan ng tao.

Ayon sa mga eksperto, marami mang katangiang taglay ang kintsay, mainam ng humingi ng payo sa mga doktor nang sa gayo’y maibigay ang tamang lunas sa iyong karamdaman.

Alam niyo ba na maraming taglay na sustansya ang pagkain ng mga Pulang Prutas?

Ayon sa mga eksperto ang pagkain ng mga pulang prutas at gulay ay nagtataglay ng phytonutrients para mapanatiling malusog ang katawan.

Kabilang dito ay ang mga strawberry, kamatis, watermelon, cherries, cranberries, beetroot, raspberries, red peppers, red cabbage at red grapes.

Nakakatulong rin ang beetroot para mabawasan ang peligro sa pagkakaroon ng cancer.

Mataas rin sa bitamina, mineral at mataas sa calcium ang pagkain ng mga pulang prutas at gulay.

Nakatutulong din ang mga pulang prutas sa mata at sa kalusugan ng puso.

Alam niyo ba na may sustansyang taglay ang pagkain ng Tikoy ?

Ang Tikoy o Nian Gao sa mandarin ay may malagkit at manamis-namis na lasang pagkain na inihahanda tuwing Chinese New Year.

Ayon sa mga eksperto, siksik sa carbohydrates ang sangkap ng Tikoy na glutinous rice o malagkit na bigas na nagbibigay enerhiya sa ating katawan.

Mainam ang Tikoy kung sasabayan din ito ng pagkain ng mga prutas.

Sa pamamagitan nito mas nadaragdagan ang nutritional value ng Tikoy.

Gayunman, mahirap tunawin ang Tikoy sa bituka at may kaakibat itong peligro lalo na sa mga taong nagsusuot ng pustiso na maaaring mabilaukan.

Samantala,  paalala ng mga eksperto na hinay hinay lamang sa pagkain ng Tikoy dahil maaari rin tumaas ang blood sugar sa ating katawan.

Alam niyo ba na may sustansyang naibibigay ang Salmon sa ating katawan?

Ang salmon ay nakakatulong na  malabanan ang pagkakaroon ng asthma.

Maaari rin mabawasan ang panganib sa pagkakaroon ng malalang sakit tulad ng diabetes, arthritis at alzheimers disease.

Bukod dito,  nakakaiwas din ito sa pagkakaroon ng malalang sakit tulad ng pagkakaroon ng ilang uri ng kanser.

Ayon naman sa mga eksperto, ang Salmon ay nagtataglay ng mga bitamina at mineral ngunit mas mainam na maghinay-hinay sa pagkain ng sa gayo’y hindi magsisisi sa huli.

Isang buntis na kukuha sana ng resulta ng kaniyang COVID-19 swab test ang biglang napaanak habang lulan ng tricycle sa Quezon City.

Hindi na nadala sa ospital si Angeline Rodriguez at ang mga contact tracer na lang ang tumulong sa kanyang manganak.

Kinilala ang mga contact tracer na sina Jocelyn Caliwanagan, Aileen Grace Nimer at Perwina Malat.

Maayos namang nailuwal ni Rodriguez ang kanyang anak na lalaki dahil pawang may medical background ang mga contact tracer na sumaklolo sa kanya.

Nakalabas na ng ospital si Rodriguez at ang kaniyang anak habang nagpasalamat siya sa mga contact tracer na tiyempong nakasabay niya sa biyahe. —sa panulat ni Drew Nacino

Hindi maiiwasan ang stress pero maaari itong labanan upang hindi ito humantong sa depresyon.

Karaniwang sintomas nito ay fatigue, panic attacks, social isolation, heartburn, hirap sa pagtulog at pagkairita.

Tandaan na hindi kailangan ng literal na gamot sa stress gaya ng mga nabibili sa mga botika dahil may mga natural na paraan upang maiwasan ito.

Ayon sa Department of Health, may 12 ‘S’ tips para labanan ang stress.

• Self-awareness o pagiging sensitibo sa iyong nararamdaman
• Scheduling o pagsasaayos ng oras
• Siesta o pagpapahinga
• Speak
• Sounds
• Sensation o pagpamasahe
• Stretching
• Socials o pakikisalamuha sa kapwa
• Smile o pag-ngiti
• Sports
• Stress debriefing
• Spirituality o pagdarasal

Ayon sa mga eksperto, natural at normal lang na ma-stress paminsan-minsan lalo pa’t nahaharap tayo sa COVID-19 pandemic. Ngunit hindi rin dapat natin hayaan ang ating sarili na malagay sa seryosong mental condition.

—sa panulat ni Hyacinth Ludivico

Aminado ang Pamahalaang Lungsod ng Taguig na marami pa silang dapat gawin at hindi dapat magpakakampante ang kanilang mga kababayan.

Ito ang inihayag ni Taguig City Mayor Lino Cayetano matapos i-ulat ng OCTA Research Group na isa ang Taguig City sa mga lugar sa Metro Manila na may pinakamaliit na fatality rate sa COVID 19.

Ayon kay Cayetano, malaking naging ambag nito ay ang mabilis na pagtugon at pagpapakalat ng impormasyon hinggi sa mga benepisyo ng pagpapabakuna kontra sa virus.

Gayundin aniya ang pagiging disiplinado ng kanilang mga mamamamayan sa pagsunod sa health protocols kaya’t kanilang napababa ang bilang ng mga nasasawi sa lungsod.

Nagpasalamat naman ang Alkalde sa mga medical frontliner na walang sawang nagtatrabaho para ingatan at alagaan ang kanilang mga pasyente at tiniyak niyang magdodoble kayod pa upang mabakunahan ang lahat ng mga residente ng Taguig sa lalong madaling panahon.

Pag-IBIG Fund members collectively saved 10.67 billion under the agency’s voluntary Modified Pag-IBIG 2 Savings program in the first five months of the year,  setting another record-high despite the ongoing health crisis.

The amount is a record-high for any January to may period in our history and hence, speaks highly of the trust that our members have in Pag-IBIG Fund.

The MP2 Savings is Pag-IBIG Fund’s voluntary savings program that has a 5-year maturity period and minimum savings requirement of only P500.00.

In 2020, amid the pandemic-induced slowdown, the program still a 6.12% annual dividend rate.

Pag-IBIG Fund Chief Executive Officer  Acmad Rizaldy P. Moti cited the MP2 Savings’ remarkable growth, nothing that even in midst of the pandemic, more members continue to save in the program.