FEATURES

4 patay, 5 sugatan sa sunog sa Maynila

Patay ang apat na indibidwal habang sugatan ang lima pa sa naganap na sunog sa isang two-story building sa Sta. Cruz, Maynila.

Kinilala ang mga biktimang nasawi na sina Dennise Cadag, 15-anyos; Rina Mae Hernandez Banate, 21-anyos; isang John Kazim, at Jazmine Uzman, 57-anyos.

Ayon sa Bureau of Fire Protection (BFP), aabot sa sampung pamilya ang nawalan ng tirahan matapos umakyat sa second alarm ang sunog bago idineklarang fire under control.

Nasunog din ang apat pang bahay at establisyimento kung saan, aabot sa P70,000 ang kabuuang halaga ng pinsalang idinulot ng sunog.

Patuloy pang iniimbestgahan ng mga otoridad ang sanhi ng pagsiklab ng apoy. —sa panulat ni Angelica Doctolero

February 21, 2022 0 comment

FEATURES HEALTH

Hobby na mura na mabuti pa sa kalusugan

written by DWIZ 882

Kung wala ka pang naiisip na anumang pagkakaabalahan, huwag nang mag-alala dahil merong hobby na mura, maka-kalikasan at mabuti para sa ating kalusugan.

Ayon sa pag-aaral, ang hiking ay isang uri ng powerful work-out.

Maliban sa magandang tanawin at malinis na hangin, nakatutulong din ang hiking para mabawasan ang tyansa ng pagkakaroon ng heart disease.

Pinapaganda rin nito ang ating blood pressure at blood sugar levels.

Pinapatibay rin nito ang mga buto at nagpapalakas ng glutes, quadriceps, hamstrings, at muscles sa hips at lower legs.—sa panulat ni Abie Aliño-Angeles

February 20, 2022 0 comment

FEATURES HEADLINES

Tamang paghuhugas na kamay para makaiwas sa virus, ating balikan kung paano gawin

written by DWIZ 882

Mandatoryo ang pagsunod sa health protocols para sa mga tao ngayong nahaharap ang buong mundo sa COVID-19 pandemic.

Dahil dito, isa sa kailangan ugaliin ang palagiang paghuhugas ng kamay upang maiwasan ang pagkahawa sa virus.

Narito ang mga hakbang para maayos na mahugasan ang ating kamay.

Basain ang kamay ng tubig

Maglagay ng sabon sa buong kamay maging sa pulso

Ikuskos ito ng tuloy-tuloy, tiyaking nasasama ang daliri, kuko at pagitan ng daliri

Kuskusin ulit ng dalawampung segundo bago hugasan ng malinis na tubig

Tuyuin sa pamamagitan ng malinis na towel – sa panulat ni Abigail Malanday

February 20, 2022 0 comment

HEADLINES METRO PATROL

Mga preso sa QC jail, nabulabog sa greyhound operation

written by DWIZ 882

Nabulabog ang mga preso sa isinagawang greyhound operation sa pinagsanib na puwersa ng mga tauhan ng Bureau of Jail Management and Penology (BJMP) at Quezon City Police District (QCPD) sa Quezon City Jail (QCJ).

Ayon QCJ Warden Jail Superintendent Michelle Ng Bonto, na mayroong 42 jail officers at 373 na mga pulis ang naghalughog sa mga selda ng mga ilegal na kontrabado na nakapasok sa kulungan.

Narekober sa operasyon ang dalawang cellphone, improvised drug paraphernalias, 36 na kutsilyo at walong ice picks.

Matatandaang, ipinag-utos ni BJMP Director General Alan Iral ang pagsasagawa ng mga greyhound operation sa iba’t-ibang mga kulungan sa bansa upang maiwasan ang pagkakaroon ng mga riot sa piitan. —sa panulat ni Kim Gomez

February 20, 2022 0 comment

HEADLINES METRO PATROL

Tirador ng mga druck drivers, huli sa Manila

written by DWIZ 882

Kalaboso ang isang holdaper ng mga truck drivers sa Pandacan, Manila.

Kinilala ang suspek na si Jeffrey Reyes Alyas “Jepoy,”, 28 anyos.

Ayon sa mga otoridad, nahuli ang suspek sa sarili nitong bahay sa bisa ng warrant of arrest.

Sa ngayon, nakakulong na at inihahanda na ang kaukulang kasong isasampa laban sa suspek. —sa panulat ni Kim Gomez

February 20, 2022 0 comment

METRO PATROL NATIONAL NEWS

2 suspek arestado dahil sa ilegal na droga sa QC

written by DWIZ 882

Inaresto ng awtoridad ang dalawang suspek matapos ang magkahiwalay na buy bust operation sa bayan ng Tiaong, Quezon.

Kinilala ang mga suspek na sina may Naredo, 28-anyos na isang high-value target at umano’y miyembro ng isang drug group, at si Venson Luna, 28-anyos na kabilang sa police watchlist ng nasabing lugar.

Nasamsam ng awtoridad mula kay Naredo ang 7 sachet ng hinihinalang shabu na may bigat na 15.34 grams at may street value na 312,936 pesos.

Nasamsam din mula kay Luna ang 4 na sachet ng nasabing ilegal na droga na may bigat na 5.28 grams at nagkakahalaga ng 107,712 pesos.

Nahaharap naman ang mga nasabing suspek sa paglabag sa Comprehensive Dangerous Drugs Act of 2002.—sa panulat ni Airiam Sancho

February 19, 2022 0 comment

METRO PATROL NATIONAL NEWS

Driver ng sasakyang nag-apoy matapos bumangga sa barriers sa EDSA, nakainom ng alak

written by DWIZ 882

Lumabas sa pagsusuri ng Metropolitan Manila Development Authority (MMDA) na nakainom ang driver ng sasakyang nag-apoy matapos bumangga sa barriers sa EDSA, Cubao sa Quezon City.

Ayon sa MMDA, nagpositibo sa breathalyzer test ang driver na si Airman Second Class Manuel Ognes Jr.

Ipinaliwanag naman ng isang nakasaksi sa nangyari na ilang motorista ang tumulong kay Ognes na makalabas ng sasakyan pero iniwan na ang iba matapos makitang umuusok na ito.

Nagdulot ang insidente ng pagkasawi ng 3 miyembro ng Philippine Air Force na kasama ni Ognes sa loob ng sasakyan.

Hindi naman ito bago para sa mga motorista dahil aabot na sa lima ang naitalang aksidente sa lugar dulot ng inilagay na barriers. —sa panulat ni Abby Malanday

February 19, 2022 0 comment

FEATURES

Mahigit P62 milyong jackpot prize sa lotto, nakamit ng isang solong mananaya

written by DWIZ 882

Isang mananaya sa lotto ang nakasolo ng mahigit P62 milyong jackpot prize para sa megalotto 6/45 draw kagabi.

Batay sa website ng Philippine Charity Sweepstakes Office (PCSO), lumabas ang winning combination sa naturang draw na 31-30-06-04-29-16.

Mayroon itong kabuuang premyo na P62,756,225 at nakasaad na may isang nanalo.

Samantala, wala namang nanalo sa kasabay nitong draw na ultra lotto 6/58.

May kabuuan itong premyo na P49.5 milyong at may number combination na 47-58-12-18-31-44. —sa panulat ni Abby Malanday

February 19, 2022 0 comment

METRO PATROL

Mahigit 437,000 indibidwal sa Muntinlupa City, fully vaccinated na laban sa Covid-19

written by DWIZ 882

Umabot na sa 437,310 ang fully vaccinated na indibidwal sa Muntinlupa City laban sa Covid-19.

Sa tala ng City Health Office, lampas na ito sa target na populasyon na kailangang bakunahan o katumbas ng 114% ng target.

Pinakamarami ang nagmula sa barangay puli na may 163% vaccination rate o nasa 11,483 indibidwal.

Maliban dito, pumalo rin sa 84,896 ang nabigyan ng booster shots sa lungsod. —sa panulat ni Abby Malanday

February 19, 2022 0 comment

METRO PATROL NATIONAL NEWS

Lalaki, pinagbantaan ang dating kasintahan na ikakalat ang kanilang sex video kapalit ng P1-milyon

written by DWIZ 882

Arestado sa isang entrapment operation ang isang lalaki matapong tangkang mangikil sa kaniyang dating partner ng P1-milyon sa pamamagitan ng pekeng sex video.

Ayon sa mga otoridad, kinilala ang suspek na si Jerson Pantaleon Sacopon na naaresto sa Taguig City.

Nagtungo sa pulisya ang biktima dahil sa pagbabanta ng suspek na ikakalat ang video kung hindi ito magbabayad na malaking halaga.

Depensa naman ni Sacopon sa nangyari, biktima rin siya ng kahalintulad na gawain kapalit ng pera.

Narekober naman ang sim card na ginamit sa pagbabanta at dito na natuklasang peke ito.

Inihahanda na ng PNP ang isasampang kaso laban sa suspek.—sa panulat ni Abby Malanday

February 19, 2022 0 comment

Newer Posts

Older Posts