Itinaas sa ikalawang alarma ang nasunog na isang warehouse ng mga furniture sa barangay Commonwealth, Quezon City nitong pagpasok ng Bagong Taon.
Batay sa ulat ng Bureau of Fire Protection naideklarang fire out ang sunog bandang alas-3 ng madaling araw kanina at wala naman anilang nasaktan.
Habang sa ngayon ay iniimbestigahan pa ng awtoridad ang pinagmulan ng naturang sunog, at kung magkano ang kabuuang pinsala nito.
Naglabas na ng kautusan si Manila Mayor Honey Lacuna-Pangan sa paggamit ng mga paputok at iba pang uri ng pyrotechnic devices para sa ligtas na pagsalubong sa bagong taon.
Batay sa apat na pahinang Executive Order 58, ang lahat ng uri ng mga paputok at pyrotechnics ay dapat ilaan lamang sa tamang lugar sa bawat komunidad na may kaukulang permiso mula sa Bureau of Permits.
Papayagan lamang ang pagsisindi ng baby rocket, bawang, maliit na trianggulo, el diablo, sinturon ni hudas, kwitis at lahat ng may limitado lamang na pulbura.
Pwede rin ang pyrotechnic devices, gaya ng sparklers, luces, jumbo, regular at special fountain, roman candle, trompillo, whistle device, butterfly at iba pang uri ng “pa-ilaw”.
Mahigpit namang ipinagbabawal ang paggamit, paggawa, pagbebenta at distribusyon ng iba pang uri ng paputok at pyrotechnic devises, tulad ng super lolo, lolo thunder, five star, og, pla-pla;
Pillbox, watusi, piccolo, giant whistle bomb, super bawang, goodbye philippines, goodbye earth, bin laden, coke in can at iba pang magdudulot ng panganib sa buhay at mga ari-arian.
Nasunog ang isang residential area sa bahagi ng Barangay San Dionisio, Paranaque City kaninang alas-3:00 ng madaling araw.
Mabilis na kumalat ang apoy dahil dikit-dikit ang mga bahay sa lugar kung saan, umabot sa ika-5 alarma ang sunog.
Ayon sa mga tauhan ng Bureau of Fire Protection (BFP), nahirapan silang apulahin ang apoy dahil sa masikip na kalsada kung saan, napilitan nang umakyat sa mga nitso sa katabing sementeryo ang mga bumbero.
Patuloy pang inaalam ng mga otoridad ang danyos at kung may mga nasawi o nasugatan matapos ang sunog.
Nagsagawa ng street lighting ang mga opisyal ng lokal na pamahalaan ng Marikina sa pangunguna ni City Mayor Marcelino “Marcy” Teodoro.
Ayon sa Marikina LGUs, kinabitan ng mga led light ang mga poste sa Bayanihan Compound at Mountain Hills Hoa sa Barangay Fortune.
Ito’y para sa mga empleyado’t manggagawang umuuwi ng hating gabi at mga sasakyang dumadaan upang maiwasan ang anumang uri ng krimen o aksidente.
Dahil dito, mas magiging kumbinyente, maayos, ligtas at magiging panatag ang mga Marikenyo.
Inabot na ng hating gabi ang mga pasaherong naghihintay ng kanilang masasakyan sa mga terminal ng bus at jeep sa National Capital Region (NCR).
Sa pag-iikot ng DWIZ sa Marikina City, dumoble ang pila ng mga pasaherong uuwi patungong Pasig City dahil dagsaan pa rin ang mga mamimili ngayong holiday season.
Punuan din ang sakayan ng mga jeep patungong Antipolo, San Mateo, at Montalban, Rizal dahil sa dami ng mga pasaherong uuwi sa kani-kanilang lungsod.
Ayon sa ilang mga pasahero, kanilang sinamantala ang pagkakataong makapamasyal at makapag-diwang ng pasko.
Dagdag pa riyan, pahirapan ding makasakay ang ilang mga mananakay sa EDSA Bus Carousel dahil karamihan umano sa mga driver ay nagpasya na lang tumigil muna sa pamamasada para makasama ang kanilang pamilya at maipagdiwang ang araw ng pasko.
Nasawi ang isang lalaki hinihinalang gun-for-hire matapos makipagpalitan ng putok ng baril sa mga awtoridad matapos hindi tumigil sa checkpoint sa Quezon City habang napatay ng suspek ang TNVS rider na humabol sa kanya.
Sa isang ulat, kinilala ang suspek na si Richmond Mallari Dalisay, nasawi ang suspek sa police operation sa Barangay Baesa. Bago ang insidente, hindi huminto ang suspek sa checkpoint sa barangay bahay toro kaya hinabol ng mga pulis.
Ayon sa director ng Quezon City Police District na si Police Brigadier General Nicolas Torre III, nakasalubong ng suspek ang motoriklo na kanyang inagawan habang hinahabol ng mga pulis.
Isang TNVS rider ang tumulong na habulin ang suspek subalit tinamaan ng bala ng baril dahilan ng pagkasawi.
Patuloy naman ang follow up operation ng mga awtoridad para matunton ang salarin. - sa panunulat ni Maze Aliño-Dayundayon
Mahigit P1-M halaga ng shabu sa ang nasabat sa buy-bust operation sa Caloocan City.
Naaresto naman ang suspek na si Jessie Zozobradon, alyas “Jess”, 32 anyos, residente ng Barangay 174.
Ayon kay Northern Police District (NPD) Director, Brig. Gen. Ponce Rogelio Peñones Junior, nakumpiska kay Zozobradon ang nasa 150 grams ng shabu.
Nahaharap sa kasong paglabag sa Republic Act 9165 o Comprehensive Dangerous Drugs Act of 2022 ang suspek. —sa panulat ni Jenn Patrolla
Suportado ng SM Supermalls ang Travel Incentive Program ng Department of Tourism at Department of Migrant Workers.
Kasunod na rin ito ng pormal na paglulunsad ng Bisita, Be My Guest Program (BBMG) na isang Incentivized Promotional Campaign para sa mga Pinoy lalo na ang mga OFW’S na mag qualify sa raffle ticket at manalo ng mga premyo kapag nag imbita ng mga dayuhang bibisita sa bansa.
Ang naturang programa ay ini re-launch ng DOT katuwang ang Department of Migrant Workers, Tourism Promotions Board Philippines at private sector partners tulad ng SM Supermalls.
Ayon kay Steven Tan, Pangulo ng SM Supermalls, isang karangalan sa sm Supermalls na mapiling maging venue ng launching ng BMMG Program matapos una na rin silang magkausap ni Tourism secretary Christina Frasco hinggil sa iisang layunin para sa Tourism Industry sa buong bansa.
Ipinagmalaki ni Tan ang resulta ng pag a-aral na ang SM sa 82 location nito mula Luzon hanggang Mindanao, ang una at huling pinupuntahan ng isang visitor sa isang lugar para bumili ng kanilang mga kailangan sa kanilang pagbsita sa bansa gayundin ay bumili ng mga pasalubong para bitbitin pabalik sa kani kanilang mga bansa.
Ipinabatid rin ni Tan ang bubuksang Tourism Kiosks sa SM Malls sa buong bansa para i-promote ang iba’t ibang programa ng DOT kabilang ang BBMG.
Binigyang diin pa ni Tan na nais nilang maging second home ng mga visitors ang SM kung saan ang misyon nila ay hindi lamang maging masaya ang pagma mall sa Pilipinas kundi maging ligtas din, mas convenient at accessible.
Sinabi ni Frasco na ang BBMG Program ay tugon sa panawagan ng Pangulong Ferdinand Bongbong Marcos, Jr. sa mga Pilipino na maging best ambassadors ng Pilipinas sa buong mundo.
Ang nasabing kampanya na magsisimula sa January 2023 hanggang April 2024 ay nakikitang magpapalakas sa tourism industry tulad nuong bago mag pandemic at maaaring i-check ang kumpletong promo mechanics gayundin ang registration information ng sponsors at invitees sa officials BBMG website na http://bbmg.philippines.travel.
Samantala, huwag namang pahuhuli sa mga programa ng SM Supermalls sa pamamagitan ng www.smsupermalls.com o i follow ang @smsupermalls sa social media.
Arestado ang dalawang indibidwal na nagbebenta ng mga pekeng produkto sa magkahiwalay na operasyon ng Criminal Investigation and Detection Group (CIDG) sa lungsod ng Maynila at lalawigan ng Bulacan.
Nasabat mula sa suspek at cashier ng isang electric bike accessories shop na si Rhea Barrameda Nabus ang nasa 80,000 pesos na halaga ng 127 piraso ng pekeng voltmeter sa Baliuag, Bulacan.
Nasa 50,000 pesos naman na halaga ng pekeng statement shirt na highminds ang nakumpiska mula sa dealer na si Luiegi Balasbas sa Sta. Ana, Maynila.
Samantala, pinaalalahanan ni PNP-CIDG Director, Brig. Gen. Ronald Lee ang publiko na huwag tangkilikin ang mga pekeng produkto, lalo ngayong holiday season. – sa panulat ni Hannah Oledan
Isinusulong ng Sm Hotels and Conventions Corporation ( SMHCC ) ang mga hakbanging masagkaan ang global food wadte at environmental concerns sa lahat ng pag aari nito sa buong bansa.
Ang SMHCC ay ang hotel and convention centers arm ng sm prime holdings incorporated, isa sa pinakamalaking property companies sa buong southeast asia at kilala sa integrated at responsibile developments.
Ayon kay Leah Magallanes, Vice President for sustainability and food and beverage ng SMHCC. Hindi lamang for leisure at entertainment ang pag develop ng properties ng SM hotels kundi tinitiyak din aniya nilang kaakibat ng kanilang operasyon ang sustainability efforts at campaigns.
April 2008 nang itayo ang smhcc na nasa likod ng siyam na world class properties tulad ng taal vista hotel sa tagaytay city, pico de loro beach and country club at pico sands hotel sa batangas ..Raddison blu hotel sa cebu, conrad manaila sa pasay city at park in by radisson hotels sa north edsa, clark, iloilo at bacolod maging ang smx convention centers at trade halls.
Sa pinalakas pang mission and vision tungo sa sustainability ..Kinapitan ng smhcc ang seven reen goals nito base na rin sa united nationas sustainable development goals tulad ng gender equality, energy and water, sustainable tourism, consumption and diversion at greenhouse gas.
Binigyang diin pa ni magallanes na kilala rin bilang chef leah ang isinusulong nilang principles ng refuse, reuse and recycle at kanilang pangunahing initiatives na world wide fund for nature’s sustainable diner, composting efforts, eco labeling at pag aalis ng single use plastics.
Ang sustainable diner sa smhcc ay ginagawa sa boh o back of house nito o ang internal operation at service sa customers na kapwa epektibo na matulungan ang management na mapalitan at maayos ang food wasre concern tulad nang pagbabawas ng food waster per cover sa mas mababa sa average na 250 grams.
Ipinabatid ni magallanes ang mahabang proseso subalit masaya naman sila sa nakikitang pagbabago lalo pat ang local sourcing practice ay nagpapalakas din sa kanilang partner farms at bumubuo ng tiwala sa mga guests hinggil sa sariwang pagkain na isinisilbi sa kanila.
Ang eco labelling ay isa ring epektibong hakbangin na ginagawa sa lahat ng smhcc properties na pinatunayan nang pagtanggap ng pico restaurant at sun coral cafe, mga restaurants sa pico de loro beach and country club at pico sands hotel ..Ang nelp-gcp o national eco labelling programme-green choice philippines awards certification na nagbigay sa kanila ng lisensyang gamitin ang green choice philippines seal of approval at tiyaking sa mga guest nang mahigpit na pagsunod ng mga nasabing property sa pagpo protekta sa kapaligiran.
Ang smhcc ay patuloy na kumikilos katuwang ang kanilang partners para maisakatuparan ang seven green goals at tiyaking sumusunod ang lahat ng properties sa responsible procurement, annual online seminar at awareness program na tinaguriang green procurement.
Tiniyak ng smhcc ang pinaigting pang mga pagkilos bilang suporta sa green procurement at eco tourism para na rin sa magandang kalusugan ng mga pilipino at proteksyon sa kapaligiran.
Para sa dagdag pang impormasyon, bisitahin ang : https://smhotels.com.ph/