FEATURES

Ilang pamilya sa Cabuyao City, Laguna ang nabigyan ng Pamasko ng  Eternal Gardens, Cabuyao

Matagumpay na naikasa ng pamunuan ng Eternal Gardens, Cabuyao ang Christmas donation drive nito kung saan tatlumpung pamilya mula sa lungsod ng Cabuyao ang nabiyayaan ng Noche Buena gift packs.

Ayon kay Assistant Vice President for Chapel Operations Angelito Twaño, tiwala silang nakapagpasaya sa mga residente ang gift packs bilang pagpapaabot na rin ng pagbati ng maligayang Pasko sa mga beneficiary.

Ipinaabot din ni Twano ang pasasalamat sa lahat ng kliyente at investors ng Eternal Gardens, Cabuyao sa patuloy na suporta sa kumpanya.

Bukod dito, nagpapasalamat din ang management ng Eternal Gardens Cabuyao sa Cabuyao City Social Welfare and Development Coordinators na kinabibilangan nina Virginia Andaya, Loma Quebal, Melody China, Gracebel Agas at Estrelita Matampale gayundin sa officers ng Mabuhay Village Homeowners Phase 5 sa pangunguna ng pangulo nitong si Tyron Bawi at director Jose Reddin Satinggasin sa tulong para maibahagi ang gift packs sa mga pamilya.

Ang Eternal Gardens ay kabilang sa ALC Group of Companies na binuo ng yumaong Ambassador Antonio L. Cabangon Chua at pinamumunuan ngayon ng chairman nitong si D.Edgard Cabangon.

Nagsagawa ng holiday season gift-giving ang Batangas City Grand Terminal para sa ilang piling senior citizens ng Barangay Alangilan, Batangas City at nalalapit na barangay.

May tema ang programa na YOU-with-US Activity: An Environmental, Social and Governance Project (ESG) na ginanap noong December 29, 2022 sa Batangas City Grand Terminal, Arrival Area.

Ito na ang ikaapat na taong isinagawa ang programa na pinondohan ng mga nalikom mula sa programang “Batangas Kakanin for a Golden Cause” na inorganisa ng Batangas City Grand Terminal sa pamumuno ni Geka Gado, Marketing Officer.

Kabilang sa nahandugan ng tulong na Hygiene kits, goodies at pagkain ang 50 indigent senior citizens ng Barangay Alangilan, Batangas City at kalapit na barangay.

Samantala, dumalo rin sa programa si Batangas City Grand Terminal Manager Cecilia Mendoza, Officer-in-Charge Cristy Villamor at lahat ng staff ng Batangas Ventures.

Kinilala ng Department of Education (DEPED),  sa pangunguna ni Vice President Sara Duterte na tumatayo ring kalihim ng ahensya, ang dalawang member companies ng ALC Group na CityState Savings Bank (CSBank)  at Fortune Life Insurance Co. Inc., dahil sa patuloy nitong pagsuporta sa basic education.

Ginawaran ng DEPED ng certificates of partnership ang CSBank at fortune life sa ginanap na deped partners appreciation program noong December 13, 2022, sa Wack Wack Golf and Country Club sa Mandaluyong City.

Kasunod nito, nagpaabot nang pasasalamat si ALC Group Chairman D. Edgard A. Cabangon sa DEPED sa natanggap nitong pagkilala at tiniyak ang buong suporta nito sa mga proyekto ng ahensya.

“We extend our heartfelt gratitude to the Department of Education, especially to deped Secretary and our Vice President Sara Duterte, for these certificates of partnership presented to our member companies, CSBank and Fortune Life Insurance. We are happy to help DEPED in achieving its goals by supporting its projects in all the ways that we can,” pahayag pa ni Chairman Cabangon.

Ang ALC Group of Companies ay itinatag ng namayapang si Ambassador Antonio L. Cabangon Chua.

PHOTO CAPTION:

Vice President of the Philippines and Department of Education (DepEd) Secretary Sara Z. Duterte together with DepEd Undersecretary for Legislative Affairs and Partnership Atty. Gerard L. Chan pose with representatives from the ALC Group of Companies, namely (seated, from left) CSBank APDS Loans Area Head Anthony Pascual, APDS Loans Head Dennis Mancilla, Fortune Life AVP – Corporate Communications Floreda C. Constantino, and SVP – Group Sales and Related Contracts Virgilio S. Aquino.

Siniguro ng Philippine Health Insurance Corp. (PhilHealth) sa publiko na hindi makakaapekto sa operasyon nito at maging sa benepisyo ng mga miyembro ang suspensyon sa pagtataas ng premium rate at income ceiling.

Inilahad ni Emmanuel Ledesma Jr., acting President at Chief Executive Officer ng PhilHealth, na napagkasunduan sa pulong ng board of directors noong Enero akwatro, na tumalima sa direktiba ni Pangulong Ferdinand Marcos Jr., kaugnay sa suspensyon ng rate increase mula 4.0% hanggang 4.5%, gayundin ang pagtaas ng income ceiling mula 80,000 pesos patungong 90,000 pesos ngayong taon.

Maglalabas naman ng hiwalay na advisory para mailahad ang guidelines sa pagpapatupad ng nasabing direktiba partikular sa mga direct contributors.

Samantala, tuloy naman ang implementasyon ng mga bagong benefit packages na magmumula sana sa premium increase, kabilang ang outpatient therapeutic care for severe acute malnutrition, outpatient package for mental health, comprehensive outpatient benefit, at iba pa.

Muli namang tiniyak ng PhilHealth na nananatiling matatag ang kanilang financial standing at kumpyansa rin ang pamunuan nito na kahit sinuspinde ang premium hike, ay higit na matutugunan nito ang mga obligasyon nito sa mga miyembro at mga katuwang na health care providers.

Aabot sa 4,500 na magsasaka mula sa Luzon ang tinulungan ng San Miguel Corporation kasama ang Rural Rising Ph  sa pamamagitan ng pagbebenta ng nasa 1.7 million kilos ng prutas at gulay mula nang magsimula ang pandemya nuong 2020.

Sa pakikipagtulungan ng SMC sa Ruri, natulungang mapataas ang kita ng mga magsasaka at naibenta sa murang halaga ang mga produkto sa pamamagitan ng  better world Diliman Community Center.

Sinabi ni SMC President and CEO Ramon S. na ikinalugod nilang mailapit ang mga produkto ng mga magsasaka sa mga konsyumer sa pamamagitan ng pagbibigay ng  mas abot kayang halaga.

Aniya, ang nasabing ugnayan ay makapagbigay ng sapat na suplay ng mga prutas at gulay sa adopted communities sa tondo sa ilalim ng  better world tondo community center.

Mula sa naturang bilang ng mga nareskyu agri-products, 14,000 kilos ng mga produkto ang ibinigay ng better world diliman sa tondo mula noong 2020 habang 2,260 kilograms ang ibinigay sa  box-all-you-can activities ng SMC.

Ang inisyatibong ito ay bahagi ng programa ng SMC para palakasin ang kita ng mga  magsasaka, mapigilan ang pagsasayang ng mga pagkain at matiyak ang food security sa bansa gitna ng COVID-19 pandemic.