Dapat isama na rin ang Carnapping sa pinaigting na kampanya ng pamahalaan kontra iligal na droga
Ito ang panawagan ng Volunteers Against Crime and Corruption o VACC na tulad ng droga, marami na ring buhay ang sinisira
Ayon kay VACC Spokesman Boy Evangelista, malaki ang ugnayan sa pagitan ng carnapping at droga dahil kadalasang ginagamit ng mga sindikato ang mga nakaw na sasakyan para makapagpuslit ng ipinagbabawal na gamot
Bagama’t awtomatiko nang magiging batas ang Anti-Carnapping Act kahit hindi ito nalagdaan ng Pangulong Aquino, umaasa pa rin si Evangelista na masisilip ito ng Pangulong Rodrigo Duterte at mapapasama sa kaniyang aaksyunan
Magugunitang biktima ang anak ni Evangelista na si Benson ng carnapping nuong 2012 kung saan, nakaranas ito ng brutal na pagpaslang
By: Jaymark Dagala
