Inihayag ni Department of the Interior and Local Government (DILG) Spokesperson Jonatahan Malaya na maaaring ipag-utos ng mga otoridad ang pagpapahinto ng campaign rallies na walang permit.
Aniya, pwedeng pagbawalan ng election officer ang kahit anumang campaign activity na walang kaukulang permiso.
Sinabi pa ni Malaya na ang Comelec Campaign Committees na binubuo ng isang Election Officer, City Health Officer, Chief of Police, Military Head, at DILG Official ang namamahala sa pagbibigay ng mga permit para sa personal na mga aktibidad sa pulitika.
Matatandaang Pebrero 8 nang magsimula ang campaign period ng national candidates para sa 2022 elections.