Iniulat ng Philippine National Police (PNP) na aabot sa 46 new COVID-19 cases ang naitala nila sa loob ng kanilang hanay.
Dahil dito pumalo na sa 861 na mga pulis ang nahawaan ng virus.
Pero ayon sa PNP, umakyat naman sa 407 ang bilang ng mga pulis na gumaling sa COVID-19, kung saan nananatili naman sa siyam ang mga pulis na binawian ng buhay dahil sa pandemya.
Hinimok naman ng pambansang pulisya ang lahat ng kanilang kasamahan, na agad dumulog sa PNP Health Service kapag mayroon silang naramdamang sintomas ng COVID-19.
