Inilarga na ng mga kumpanya ng langis ang malakihang taas-presyo sa liquefied petroleum gasoline (LPG) ngayong araw, ika-1 ng Mayo.
Sa anunsyo ng Phoenix LPG Philippines at Petron, epektibo kaninang alas12:01 ng hating gabi ang P5.80 kada kilo na taas presyo sa kanilang LPG.
P3.25 kada litro sa naman sa Auto LPG.
Habang nagpatupad ng kaparehong dagdag presyo sa kanilang LPG ang Solane, epektibo naman kaninang alas-6 ng umaga.
Ang nabanggit na taas-presyo sa LPG products ay bunsod ng paggalaw sa international contract price ng LPG sa buwan ng Mayo.