Niyanig ng magnitude 5.2 na lindol ang Batangas kaninang tanghali.
Ayon sa PHIVOLCS, natukoy ang sentro ng lindol sa layong 27 kilometro timog ng bayan ng Nasugbu.
Tectonic ang pinagmulan ng pagyanig at may lalim na 118 kilometro.
Dahil sa pagyanig, naramdaman ang intensity 4 sa Lubang at Abra De Ilog sa Mindoro.
Intensity 3 naman sa mga bayan ng Balayan, Tuy, Talisay at Calatagan sa Batangas , Quezon City, Clark sa Pampanga, Mandaluyong City, Puerto Galera sa Oriental Mindoro, Looc at Mamburao sa Occidental Mindoro, Tanza at Maragondon sa Cavite, Makati City at Pasay City.
Samantala, naitala naman ang intensity 2 sa lungsod ng Maynila, Plaridel, Obando at Malolos sa Bulacan at Parañaque City.
Wala namang napaulat na napinsala at wala ring inaasahang aftershocks sa naturang paglindol.
