Naalis na kaninang umaga ang barge na sumadsad malapit sa seawall ng Roxas Boulevard sa Manila Bay sa kasagsagan ng malakas na ulan at hangin dulot ng bagyong Lando noong Linggo.
Ipinabatid ito ni Philippine Coast Guard (PCG) Spokesman Commander Armand Balilo matapos i-tow ang AZ Shanghai.
Nagtulong ang tugboat na many plus at malayan tugboat para mahila ang barge mula sa seawall.
Una nang tiniyak ng Coast Guard na ligtas ang 10 crew members ng naturang barge na may dalang uling.
By Judith Larino | Aya Yupangco (Patrol 5)
