Tinarget ng Iran sa pamamagitan ng kanilang missiles ang ilan pang nalalabing balwarte ng Islamic State sa Iraq at Syria.
Ayon sa Iranian Revolutionary Guard Corps, anim na medium-range ballistic missile at pitong drones ang kanilang pinalipad.
Bukod sa ISIS, target din sa pag-atake ang Ahvaz National Resistance, na isang Iranian-Arab Separatist Group bilang ganti sa pag-atake sa isang military parade kung saan mahigit 20 ang patay.
Bumagsak ang mga missile sa target area malapit sa bayan ng Haijin, malapit sa Iraqi border.
Gayunman, hindi pa mabatid ng Iranian government kung ilan ang nasawi o nasugatan at gaano kalawak ang epekto ng missile attack.
—-
