Mananagot ang nasa likod nang paninira sa mga gamit sa Cupang Senior High School sa Muntinlupa na una nang ginawang evacuation center ng mga naapektuhan ng Bagyong Paeng.
Tiniyak ito ni Muntinlupa Mayor Ruffy Biazon matapos personal na i-post ang aniya’y pagsalaula sa nasabing paaralan.
Ayon kay Biazon, nadiskubre ang mga nasirang blackboard at ilang upuan maging ang mga basura, nang makaalis na ang mga evacuees.
Natunton na aniya nila ang mga Out of School Youths na may kagagawan sa naturang insidente.
