Binigyang diin ng Department of Agriculture, na kanila pang hinihintay ang Certificate of Product Registration ng ASF vaccine na ilalabas ng Food and Drug Administration (FDA).
Ayon kay Agriculture Assistant Secretary for Operations Arnel De Mesa, ang nasabing mga bakuna ay nagmula sa Vietnam na may layuning mapuksa ang African Swine Fever sa ibat-ibang lalawigan sa bansa partikular na sa Luzon at Visayas.
Sa naganap na Livestock Philippines 2023 sa Quezon City noong Lunes, iginiit ni Agriculture Asec. De Mesa, na naibigay na nila sa FDA ang kanilang rekomendasyon upang bigyang-permiso ang nasabing mga bakuna.
Sa ngayon, pinag-aaralan na ng departamento na bigyan ng diskwento ang mga magbababoy upang makatulong sa kanilang kita.
Bukod pa dito, tinitignan narin ng DA ang mungkahing i-subsidize ang mga pribadong magbababoy sa pagkuha ng bakuna sakaling payagan na itong gamitin sa bansa.
