Iniimbestigahan na ng Philippine National Police ang alegasyon laban sa kumpanyang Huawei na ginagamit umano ng China upang kumuha o maniktik ng impormasyon sa ibang bansa.
Ito’y sa gitna ng babala ng Estados Unidos sa Pilipinas na maghinay-hinay sa pakikipag-ugnayan sa nasabing kumpanya dahil hindi umano ito mapagkakatiwalaan.
Ayon kay PNP Chief, Gen. Oscar Albayalde, inatasan na niya ang Directorate for Investigation and Detection Management Office o DIDM para imbestigahan ang nasabing impormasyon.
Magugunitang Huawei ang naging sponsor ng PNP nang magkasa ito ng anti-cybercrime summit subalit nilinaw ni Albayalde sa publiko na wala naman silang pinirmahang kontrata kaya’t wala silang dapat ipangamba.
(with report from Jaymark Dagala)
