Nasayang ang halos 21,000 doses ng COVID-19 vaccine na nakatago sa mga lugar na sinalanta ng Bagyong Odette.
Ang mga nasayang na bakuna, ayon kay Health Undersecretary Myrna Cabotaje ay mula sa Iloilo, Central Visayas, Eastern Visayas at Caraga region.
Sinabi ni Cabotaje na posibleng madagdagan pa ang doses ng mga nasayang na bakuna dahil mayroon pa silang hinihintay na report sa susunod na dalawang linggo.
Naka-quarantine ang may 250 health care workers ng Philippine General Hospital (PGH) matapos mag positibo sa COVID-19.
Ayon ito kay PGH Spokesperson Jonas Del Rosario sa gitna na rin nang pagsirit ng kaso ng COVID-19 sa bansa.
Sinabi ni Del Rosario na ipinatutupad ang crisis response ng PGH matapos i update ng IATF ang isolation at quarantine protocols para sa healthcare workers.
Basta’t wala aniyang sintomas ay tuloy lamang ang trabaho ng kanilang mga healthcare workers lalo na’t hindi naman nila kayang i-quarantine ang maraming empleyado, duktor at nurses gayundin ang mga support staff dahil wala nang matitira sa kanilang ospital.
Kasabay nito, ipinabatid ni Del Rosario na para maprotektahan ang kanilang healthcare workers, ini-level up na nila ang personal protective equipment (PPE) kasama ang N95 face mask at nagsasagawa na rin ang management ng arawang monitoring ng kondisyon ng mga ito.
Siksik ang schedule ni Pinoy Pole Vaulter EJ Obiena.
Kasunod na rin ito sa limang malalaking international tournaments na sasalihan ni Obiena sa taong ito.
Si Obiena ay inaasahang sasabak sa Asian Indoor Athletics Championships sa Nur Sultan, Kazakhstan mula February 11 hanggang 13.
Pasok din ang World Number 6 sa 2022 IAAF World Indoor Championshps sa March 18 sa Belgrade, Serbia, Vietnam Sea Games sa Mayo, World Athletics Championships mula July 15 hanggang 24 sa Oregon, USA at 2022 Asian Games sa Hangzhou, China sa Setyembre.
Gayunman, tila nakabitin pa ang partisipasyon ni Obiena sa mga nasabing events dahil hihingan ng International Olympic Committee ng endorsement ng Pinoy Vaulter ang PATAFA kung saan ito mayruong hidwaan.
Bukod sa mga naturang events, sinasabing si Obiena ay kakatawan din sa Pilipinas sa init indoor meeting sa Karlsruhe, Germany sa January 28.
Nagpalabas na ng mga panuntunan ang Malakanyang kaugnay sa minimum na bilang ng onsite workers sa mga tanggapan ng gobyerno para patuloy na maka-access ng impormasyon ang publiko sa ilalim ng alert level system dahil sa pagsirit ng kaso ng COVID-19
Sa ipinalabas na memorandum ni Executive Secretary Salvador Medialdea, sa ilalim ng alert level 2, fully operational subalit uubra ang 80% onsite workforce ang mga ahensya ng gobyerno.
Kapag alert level 3 naman, nasa 60% ang onsite workers samantalang 40% naman kung alert level.
Ang Metro Manila, Bulacan, Cavite at Rizal ay nasa alert level 3 mula January 3 hanggang 15 samantalang ang Laguna ay nasa parehong alert level mula January 7 hanggang 15.
Tahimik ang simbahan ng Quiapo sa bisperas nang paggunita sa Traslacion ng itim na Nazareno.
Kasunod na rin ito nang pagkansela sa Traslacion ng itim na Nazareno sa Quiapo Church dahil sa patuloy na pagsirit ng kaso ng COVID-19 kaya’t ikinasa na ang online mass.
Binigyang diiin ni Reverend Father Daniel Voltaire Huy sa misa kaninang alas otso ng umaga na ang malalim na relasyon sa Panginoon ay hindi magagawa sa pagbisita lang sa Quiapo Church o sa imahe ng itim na Nazareno.
Samantala, sa paligid ng simbahan, bantay sarado ang mga pulis at walang tao o deboto na nakakatawid sa mga isinarang kalsada tulad ng Hidalgo at Villalobos Streets na hinarangan na ng plastic barriers.
Mayruon ding mga pulis na nagbabantay sa Rizal Avenue at Carriedo para mapigilan ang mga debotong magtatangkang pumasok sa mga saradong kalsada bukod pa sa checkpoints na itinayo sa southbound lane ng Quezon Boulevard mula Fugoso Street patungong Quezon Bridge.
Nasayang ang halos 21,000 doses ng COVID-19 vaccine na nakatago sa mga lugar na sinalanta ng bagyong Odette.
Ang mga nasayang na bakuna, ayon kay Health Undersecretary Myrna Cabotaje ay mula sa Iloilo, Central Visayas, Eastern Visayas at CARAGA Region.
Sinabi ni Cabotaje na posibleng madagdagan pa ang doses ng mga nasayang na bakuna dahil mayroon pa silang hinihintay na report sa susunod na dalawang linggo.
Tahasang ipinag-utos ni Kazakhstan President Kassym-Jomart Tokayev sa militar ang agarang pagpatay sa mga kasali sa mga kilos protesta.
Kasunod na rin ito ng mag iisang linggo nang magulo at madugong mga pagkilos sa Kazakhstan dahil sa pagtaas ng presyo ng langis.
Nasa 18 sundalo na at halos 30 armadong kriminal na ang nasawi sa mga naturang kilos protesta.
Samantalang nasa mahigit 3,000 katao na ang ikinulong ng mga otoridad.
Ipinahiwatig ni Health Secretary Francisco Duque, III ang posibilidad na itaas sa alert level 4 ang National Capital Region (NCR) sa gitna na rin nang patuloy na pagsirit ng kaso ng COVID-19.
Ito ay matapos ihayag ni Duque na ikinukunsider ng iatf ang pagtataas sa alert level 4 ng Metro Manila kung saan halos nasa moderate risk na ang health care utilization rate.
Sinabi ni Duque na iniiwasan ng gobyerno ang scenario na mayruong sapat na hospital beds subalit walang sapat na healthcare workers dahil sa pagsirit ng kaso ng COVID-19 sa kanilang hanay.
Sa ilalim ng alert level 4, ang mga establishments ay pinapayagang mag operate sa 10% indoor capacity para lamang sa mga fully vaccinated at 30% outdoor capacity samantalang hindi naman operational ang mga cinema, contact sports, face to face classes, amusement parks at casino.
Last resort na lamang o huling hakbangin ang kautusan ng Pangulong Rodrigo Duterte na arestuhin ang mga hindi pa bakunado na maggigiit na lumabas pa rin.
Ayon ito sa DILG matapos nilang atasan ang local officials na bawasan base sa batas, ang galaw ng mga indibidwal na wala pang bakuna.
Sinabi ni DILG Undersecretary Jonathan Malaya na ang nasabing hakbangin ay para ma protektahan ang mga hindi pa bakunado mula sa COVID-19 sa gitna na rin nang pagsirit pa ng kaso ng nasabing virus.
Ang mga hindi pa aniya naturukan ng COVID-19 vaccine ay mas kritikal ang kondisyon at malaki ang posibilidad na ma-ospital kaya’t hindi dapat ma overwhelm ang health care care system ng bansa.
Isa ang nasawi sa sunog sa Hill Crest Drive sa Barangay Oranbo, Pasig City.
Kinilala ng BFP ang nasawi na si Carol Advincula, labing anim na taong gulang.
Ipinabatid ng BFP na nagsimula ang sunog na alas dos kaninang madaling araw at umaabot sa unang alarma bago tuluyang naapula makalipas ang halos isang oras.
Tatlong bahay ang naabo sa nasabing sunog kung saan nadamay ang mga sasakyang nakaparada sa harap ng mga nasabing bahay.
Patuloy na iniimbestigahan ng mga otoridad ang nasabing sunog.