Judith Estrada-Larino

Preventive Health Care at Digitalization.

Ito ayon kay dating Bulacan Governor at Public Health Advocate Roberto “Obet” Pagdanganan ang mga kinakailangan para para matugunan ang mga pangunahing concerns sa health care system ng bansa.

Ang Preventive Health Care at Digitalization aniya ay napatunayang epektibo sa Thailand at maging sa Malaysia na kapwa mayruong maayos na health care systems.

Sa kanyang talumpati sa idinaos na 47th Annual Convention ng Philippine College of Hospital Administrators (PCHA), binigyang diin ni Pagdanganan, Chairman ng E-Healthcore ang pangangailangang mabawasan ang aniya’y out of pocket expenses na nagpapahirap sa milyun milyong pamilyang Pilipino.

Kasabay nito, nanawagan din si Pagdanganan sa agarang pagkilos para makontrol ang pagkalat ng Tuberculosis sa bansa na ikatlo sa mayruong pinakamataas na kaso ng nasabing sakit sa buong mundo nuong 2020, batay na rin sa report ng World Health Organization (WHO).

Si Pagdanganan na anchor ng DWIZ program na “Obet P. sa IZ” ay humarap sa mahigit 500 Health Administrators sa buong bansa kung saan tinalakay nito ang usapin ng “Transformational Governance in Philippine Health Care System.  

Ibinasura ng Court of Appeals (CA) ang petisyon ng negosyanteng si Cedric Lee na i-dismiss ang Serious Illegal Detention for Ransom Case na kinakaharap niya at anim na iba pa kaugnay sa umano’y illegal detention kay Vhong Navarro noong 2014.

Pinagtibay ng CA ang naunang pasya ng Taguig RTC na ibasura ang nasabing petisyon ni Lee.

Nakasaad sa desisyon ng CA na isinulat ni Associate Justice Angelene Mary Quimpo-Sale na walang ginawang Grave Abuse of Discretion ang mababang korte nang ibasura ang naturang petisyon ng negosyante.

Bukod kay Lee, akusado rin sa kaso ang kapatid nitong si Bernice, Simeon Raz, Jose Paolo Gregorio Calma, Ferdinand Guerrero, Sajed Fernandez Abuhijleh at Deniece Cornejo.

Mahigpit na mino-monitor ng Regional Tripartite Wage Productivity Board (RTWPB) ang pagtaas ng inflation.

Ito ayon kay Labor secretary Bienvenido Laguesma ay para mabatid kung kailangan ang dagdag suweldo sa gitna na rin nang patuloy na pagtaas ng presyo ng mga bilihin.

Gayunman, ipinabatid ni Laguesma na kaka-apruba lamang ng RTWPBs sa dagdag sa minimum wage na karamihan ay epektibo nitong nakalipas na limang buwan at ibinibigay nang paunti-unti.

Inamin ni Laguesma ang aniya’y erosion ng real wages bilang kunsiderasyon sa pagtaas ng presyo ng mga bilihin, utilities at transportasyon.

Binigyang diin ni Laguesma na dapat balansehin ang pangangailangan ng mga manggagawa sa kapasidad ng mga employer sa gitna na rin ng mga panawagang wage hike.

Una nang isinulong ng Labor groups ang dagdag na isandaang pisong across the board wage increase matapos maitala ang 14 year high inflation na 7.7% nuong Oktubre.

Tiwala si Go Negosyo Founder Joey Concepcion na makakabili ng COVID-19 vaccines ang publiko.

Tinukoy ni Concepcion ang sitwasyon sa Amerika kung saan makakabili maging sa mga botika roon ng bakuna kontra COVID-19.

Sinabi pa ni Concepcion na maaaring ibenta ng mas mura sa publiko ang mga naturang Covid-19 vaccines.