Judith Estrada-Larino

Nagtaas na ng presyo ang ilang Noche Buena items

Ayon ito kay trade undersecretary Ruth Castelo kung saan isa hanggang 10% ang itinaas sa presyo ng ilang panghanda sa Noche Buena

Sinabi ni Castelo na mayroon ding ilang manufacturer ang nagtaas ng presyo ng mahigit sampung porsyento na sa tingin naman nila ay makatuwiran lalo pa’t may mga data na ibinahagi sa DTI ang mga ito.

Malinaw na rin naman aniya ang pagtaas ng presyo ng tin can, papel at maging ng packaging gayundin ang karneng ini-import nila para sa ham products kasama ang logistics at presyo ng langis.

Gayunman, patuloy pa rin ang apela ni Castelo sa manufacturers at retailers na maghinay-hinay sa pagtaas ng presyo ng mga pagkaing pamasko.

Nagpalabas na ng pondo ang DBM para sa isang buwang pamamahagi ng Targeted Cash Transfer Program ng DSWD.

Ayon sa DBM, ang P5.2B ay bahagi ng Special Allotment Release Order at tinaguriang Unprogrammed Appropriation.

Ipinabatid ng DBM na ang naturang halaga ay ikatlong bugso na ng TCT program na mapapakinabangan ng halos 10 milyon katao.

Una nang nagpalabas ang DBM ng P10. 33B sa DSWD para sa dalawang buwang pondo ng cash transfer na napakinabangan ng 10 milyong beneficiary.

Wagi ang isang 25-anyos na Pinay sa 18th Asia Shinkyokushinkai Karate Open Championship sa Kuala Lumpur, Malaysia.

Napasakamay ni Pinay Karate Senpai Hanzel Raguine ang 2nd runner up award sa Women’s Open Category ng nasabing kumpetisyon.

Ayon kay Raguine, marami siyang dinaanang hamon para lamang sa naturang event partikular ang kakulangan ng pondo at pagbabago sa kanyang weight category.

Subalit natutuwa naman siya at worth it ang lahat ng pagsisikap niya ng kanyang team para makapag fund raising at mag solicit pandagdag sa gastusin nila sa pagsali sa kumpetisyon.

Una nang sumabak si Raguine sa First Asia Full Contact Karate Open Championship 2019 sa Kuala Lumpur din subalit bigong manalo.

Si Raguine ay 11-taon nang miyembro ng World Karate Organization Shinkyokushinkai Philippines, isang Non-Profit Socio Civic Organization na nagsusulong ng holistic development sa isang indibidwal sa pamamagitan ng Shinkyokushinkai Karate.

Susuportahan ng Home Development Mutual Fund o Pag-ibig fund ang Pambansang Pabahay Program ng Gobyernong Marcos.

Kasunod na rin ito ng P250B na commitment ng Pag-ibig Fund sa nasabing programa na naglalayong mabigyan ng pabahay ang 6M Pilipino.

Ang nasabing alokasyon ay inaprubahan ng Pag-ibig Fund Board sa pangunguna ni Secretary Jose Rizalino Azucar ng Department of Human Settlements and Urban Development bilang suporta sa Flagship Housing Program ng Marcos Administration sa susunod na anim na taon.

Tiwala si Azucar na magtatagumpay ang nasabing programa para mabigyan ng disente at maayos na tahanan ang bawat Pilipino.

Kasabay nito, isang kasunduan ang nilagdaan ng Pag-ibig fund sa Local Government ng Bacolod City sa pamamagitan ni Mayor Albee Benitez kaugnay sa konstruksyon ng 10,000 housing units para sa informal settler families sa lungsod.

Tiniyak naman ni Pag-ibig Fund Chief Executive Officer Marilene Acosta ang kanilang commitment na magbigay ng Financial at Technical Assistance sa DHSUD at sa City Government sa kung anuman ang kailanganin sa nasabing proyekto.

Racism at Stigmation.

Ito ayon sa World Health Organization ang nais nilang tugunan sa pagpapalit ng tawag sa Monkeypox sa MPOX.

Sinabi ng WHO na gagamitin ang bagong pangalan o ang MPOX sa loob ng isang taon habang pini-phase out ang salitang Monkeypox.

Hindi na anito napigilan ang pagkalat Online ng racist statements at stigmatizing language on line hinggil sa MPOX

Ipinabatid ng WHO na ang monkeypox ang itinawag sa nasabing sakit noong 1970 nang makumpirma ang mga unang kaso nito sa tao kung saan ang virus na may dala nito ay una namang nadiskubre sa mga hinuling unggoy sa Denmark nuong 1958.