Nagsimula na kahapon ang National Syncronized Mall Registration ng COMELEC.
Kasunod na rin ito nang pagdagsa ng mga botante sa Robinsons Place Manila para makapagpa rehistro.
Una nang nakipag partner ang COMELEC sa Robinsons Malls, Ayala Malls at SM Supermalls para ma accommodate ang mas marami pang voter applicants habang papalapit ang deadline ng registration sa Setyembre 30.
Pinatitiyak ni PNP Chief General Guillermo Eleazar sa pamunuan ng NCRPO na maipapaalam sa mga pulis ang mga bagong panuntunan ng alert level system ng quarantine classification na ipatutupad sa Metro Manila.
Ito ay matapos aprubahan ng IATF ang provisional guidelines para sa nasabing quarantine classifications.
Sinabi ni Eleazar na dapat maging fully informed ang mga pulis sa ground partikular ang mga pinapayagan at hindi pinapayagan sa bawat quarantine alert level kayat kailangang makipag ugnayan sa LGU’s bago mag Setyembre16.
Pasok sa alert level 4 na pinakamataas na risk classification kung saan bawal ang dine in, personal services at mass gatherings gayundin ang mga apor maliban lamang kung health care worker.
Kaugnay nito, umapela si Eleazar sa publiko na makiisa sa mga bagong panuntunan para na rin sa kaligtasan ng lahat.
Inilarga na ng Philippine Air Force (PAF) ang disaster response team nito para tumulong sa mga naapektuhan ng bagyong Jolina at Kiko sa Region 5 o Bicol Region.
Sa katunayan, ipinabatid ni Air Force Spokesperson Lt. Col. Maynard Mariano na nagsagawa na ng rescue and evacuation operations ang kanilang mga tauhan sa mga naapektuhan ng bagyo sa nasabing rehiyon.
Nagsagawa na rin aniya ng rapid damage assessment and needs analysis ang kanlang helicopter sa mga lugar sa Region 5 na sinalanta ng mga bagyong Jolina at Kiko.
Malaking kawalan sa serbisyo ang 14 na araw na nawawala sa kanilang trabaho ang mga health workers na dinadapuan ng COVID-19.
Binigyang diin ito kay Dr. Rontgene Solante, isang infectious disease expert at miyembro ng Vaccine Expert Panel (VEP) kaya’t pabor siyang maturukan ng booster shots ang mga health workers.
Ipinabatid ni Solante na nagsumite na ang V.E.P ng rekomendasyon sa all experts groups ng DOH hinggil sa booster shots.
Tinukoy ni Solante ang mga pagaaral na bumababa na ang immunity ng ilang bakuna lalo na yung mga naiturok sa mga matatanda o mga immunocomprised.
Inirekomenda aniya ng panel na i prioritize sa booster shots ang mga naunang naturukan na ng COVID-19 vaccine ng Sinovac.
Kasabay nito, kinontra ni Solante ang pahayag ng WHO dahil hindi kailangan ang ebidensya na mamamatay ang health care workers o magkakasakit ang mga ito bago sila turukan ng booster shots.
Inaasahang sa April 2022 matatapos ang clinical trials sa Ivermectin bilang gamot sa COVID 19.
Gayunman, sinabi ni DOST Secretary Fortunato Dela Penia na maaaring lumabas ang resulta ng clinical trial sa Ivermectin sa Disyembre ngayong taon.
Ayon kay Dela Penia, walong buwan ang itatagal ng clinical trials sa Ivermectin na nagsimula nuong kalagitnaan ng Agosto at ito aniya ay mas maikling panahon lamang kumpara sa ibang clinical trials.
Kinumpirma ni Executive Secretary Salvador Medialdea ang pagtatalaga ng Pangulong Rodrigo Duterte kay dating PNP chief retired police general Debold Sinas.
Si Sinas ay itinalaga ng Pangulo bilang Undersecretary ng Office of the President.
Magugunitang naging kontrobersyal si Sinas nang lumabag sa ban hinggil sa mass gatherings at physical distancing rules nang magsagawa ng Manianita sa kanyang birthday noong May 2020 kung kailan siya pa ang NCRPO chief.
Idinipensa ng Pangulo si Sinas sa insidenteng ito at sinabing hindi sisibakin ang opisyal.
Nasunduan pa ito ng isa pang kontrobersya nang lumabag din sa health protocols si Sinas nang bumisita sa Oriental Mindoro government kung saan nag positibo ito matapos ang naturang pagbisita.
Pinagpapaliwanag ng Pangulong Rodrigo Duterte si senate minority floorleader Franklin Drilon sa anito’y kaugnayan kina Janet Lim-Napoles at dating Iloilo City mayor Jed Patrick Mabilog.
Sa gitna na rin ito nang pakikiisa ni house minority floorleader Franklin Drilon sa pagdinig ng senate blue ribbon committee hinggil sa overpriced medical items na binili ng DOH.
Tinukoy ng Pangulo ang pakikipagkita ni Drilon kay Napoles sa heritage park sa Taguig City gayundin ang anito’y limang P5-M campaign fund na ibinigay ni Napoles sa senador.
Ito’y ayon sa Pangulo ay tiyak na pinalitan ng pabor ni Drilon.
Dapat din aniyang magpaliwanag si Drilon sa relasyon nito kay Mabilog at maging kay Retired Police General Marcelo Garbo, Jr. na kapwa isinangkot ng Pangulo sa kanyang narco list.
Bukod dito, pinatutukoy rin ng Pangulo kay Drilon kung sino ang may-ari ng pinakamalaking mall sa Iloilo City at kung sino ang nagsilbing broker sa pagbebenta ng lumang Iloilo City Airport sa Megaworld.
Nagbanta ang Pangulong Rodrigo Duterte na ititigil ang lahat ng transaksyon ng gobyerno sa Philippine Red Cross.
Kasunod na rin ito ng panibagong pambubukas ng Pangulo kay PRC chair, Senador Richard Gordon sa pangunguna sa imbestigasyon hinggil sa umano’y overpriced COVID-19 medical supplies.
Tinawag pang buang ng Pangulo si Gordon na aniya’y malalim na ang kanilang away.
Sinabi ng Pangulo na susulatan niya ang prc para buksan ang record nito at hihilingin mismo kay COA Chair Michael Aguinaldo na iaudit ang pondong ibinibigay ng gobyerno sa red cross.
Kung hindi papayag si Gordon, binigyang-diin ng Pangulo na ititigil na niya ang anumang transaksyon ng gobyerno sa PRC at wala siyang pakialam dito dahil alam niyang nasa katuwiran siya.
Pinasisibak ng isang grupo ng mga doktor sa Pangulong Rodrigo Duterte si Presidential Spokesman Harry Roque matapos atakihin ang mga health workers.
Subalit mas mabuti, ayon kay Dr. Maricar Limpin, pangulo ng Philippine College of Physicians (PCP) na magbitiw sa na lamang sa tungkulin si Roque dahil sa delicadeza.
Ipinabatid sa DWIZ ni Limpin na hindi alam ni Roque ang mga pinagsasabi nito sa sitwasyon ng medical workers na aniya’y pagod na pagod na sa kanilang mga trabaho.
Nilinaw ni Limpin na hindi lang naman isyu ng kalusugan ang concern nila kundi maging ang iba pang usapin na kaakibat ng pandemya.
“Hindi naman po kami, yung parang ang concern lang namin ay pangkalusugan. Kaya nga ho ang sinasabi namin, sana si Secretary Roque, he should get his facts straight. Hindi ho tamang information yung kanyang mga sinasabi. So, alam ho namin, nakikipag-usap po kami sa mga economic experts. Sila po ang nagsasabi na may pagkukuhaan ng pera, at itong perang ito, malaking malaki, malaking pera pong ‘to ay hindi po ito utang. So, meron pong paraan kung pano natin matutulungan yung mga hindi makakapagtrabaho, kung mabibigyan natin sila ng financial assistance at pwede rin pong bigyan ng assistance yung mga small, medium enterprise,” wika ni Dr Maricar Limpin, Pangulo ng Philline College of Physicians sa panayam ng DWIZ.
Idinipensa ng Pangulong Rodrigo Duterte ang Pharmally Pharmaceutical Corporation at si dating presidential adviser Michael Yang, matapos bakbakan ang pagdinig ng senado sa umano’y overpriced medical supplies.
Nag alok din ang Pangulo na magbitiw sa tungkulin kapag napatunayang may katiwalian sa pagbili ng gobyerno ng face mask at face shield.
Ayon sa Pangulo, Motu Propio Investigation ang agenda ng Senate Blue Ribbon Committee at wala siyang pakialam sa pagbubisi ng mga senador sa technical at financial requirements ng Pharmally Corporation.
Ipinagtanggol din ng Pangulo si Yang matapos ihayag na natural lamang sa negosyante na tumutok sa ibat ibang bidding.
Binigyang diin ng Pangulo na malinaw na mayruong kontrata kung saan kumpleto ang specifications, quality at quantity, at nagbayad ang Pilipinas matapos mai deliver ang medical supplies.
Tinawag ding maldito ng Pangulo ang Kongreso sa imbestigasyon nito sa paggastos ng DOH sa COVID-19 funds kabilang ang pagbili sa umano’y overpriced medical goods.