Handa ang OWWA sa inaasahang pagdagsa ng mga OFW ngayong kapaskuhan sa gitna ng Covid-19 pandemic.
Ayon kay OWWA Administrator Hans Leo Cacdac .. nasa manageable level pa ang hotel accommodation para sa mga returning OFW.
Ipinabatid ni Cacdac na nasa 12,000 hanggang 13,000 ang mga OFW na nasa government sponsored hotels at 10,000 rito ang nasa Metro Manila.
Nasa 15,000 aniya ang itinuturing na red alert level kaya’t okay pa o manageable pa ang hotel accommodation para sa mga returning OFW.
Binaha ang ilang lugar at nakansela ang biyahe ng mga sasakyang pandagat sa mga pantalan dahil sa masamang panahon.
50 katao ang sinagip sa bayan ng Palapag, Northern Samar matapos ma stranded nang tumaas ang tubig sa Sangay-Napo river bunsod ng tuluy-tuloy na pag ulang dala ng bagyong Maring.
Sinuspindi naman ngayong araw na ito ang paglalayag sa mga port ng Liloan at San Ricardo, Southern Leyte matapos isailalim sa storm signal warning number 1 ang ilang lugar kabilang ang Surigao del Norte kung saan tumaawid ang mga barko mula Southern Leyte.
Pabugsu-bugso naman ang ulan kasama ang malakas na hangin nitong magdamag sa Tacloban City.
Mahigit 80 pasahero ang na stranded sa Tabaco port sa Albay matapos suspendihin ang mga biyahe papuntang Catanduanes.
Tiniyak ng Philippine Ports Authority na kaagad ibabalik sa normal ang biyahe ng mga sasakyang pandagat kapag inalis na ang storm signal.
Nagsanib pwersa na ang bagyong Maring at Nando at kumikilos na pahilaga hilagang kanluran sa ibabaw ng Philippine Sea.
Ang sentro ng bagyong Maring ay pinakahuling namataan sa layong 730 kilometers sa silangan ng Tuguegarao City.
Taglay ng bagyong maring ang lakas ng hangin na 85 kilometers kadas oras at may pagbugso na hanggang 105 kilometers kada oras.
Ang bagyong maring ay tinatayang kikilos pahilaga hilagang kanluran sa bilis na 30 kilometers kada oras.
Nakataas ang signal no. 1 sa Batanes, Cagayan, Isabela, Apayao, Kalinga, Mountain Province, Ifugao, at Hilagang Bahagi ng Benguet, Silangan at Hilagang Bahagi Ng Samar, Dinagat Islands at Surigao del Norte.
Kanselado ang ilang biyahe ngayong araw na ito dahil sa masamang panahon.
Kabilang sa mga kanseladong biyahe .. ayon sa pamunuan ng MIAA ang Cebgo flight mula Maynila pa Virac sa Catanduanes at pabalik
Gayundin ang Cebgo flight mula Maynila pa San Jose, Occidental Mindoro vice versa.
Patay ang isang pinoy health frontliner sa New Jersey sa Amerika dahil sa matinding tama sa ulo.
Ito ayon kay Philippine Consul General Elmer Cato ay matapos mabiktima si Maria Ambrocio ng isang palaboy na mabilis tumakas sa New York Times Square.
Ipinabatid ng kapatid ni Ambrocio na si Carlito sa New York post ang pagkamatay ng pinay healthworker pasado alas-8 kaninang umaga, oras sa Pilipinas.
Nanawagan si Cato sa mga otoridad sa Amerika na gumawa ng mga hakbangin para maging ligtas ang mga lansangan sa nasabing bansa ..matapos ang sinapit ni Ambrocio.
Winelcome ng OWWA ang pinaikling quarantine period para sa mga papauwing OFW.
Ayon kay OWWA Administrator Hans Cacdac .. maraming OFWs ang fully vaccinated na at nais kaagad makapiling ang kanilang pamilya kaya’t magandang hakbang ang pagpapaikli ng isolation period.
Makakatulong din aniya ang nasabing hakbangin para mabawasan ang gastos ng ahensya sa pananatili sa quarantine facilities ng mga OFW’s.
Ipinabatid ni Cacdac na halos 10,000 OFWs ang nasa isolation facilities.
Halos 86 o 85. 5 milyon doses ng Covid-19 vaccines ang napasakamay na ng Pilipinas.
Ipinabatid ito ni Vaccine Czar Carlito Galvez, Jr. kasunod na rin nang pagdating ng mahigit 1.3 million doses ng Moderna vaccines sa bansa kahapon.
Dahil dito .. nanawagan si Galvez sa lgu’s na maging creative para mapabilis ang pagbabakuna sa kani-kanilang mga lugar.
Pinayuhan ni Galvez ang lgu’s na makipag partner sa iba’t-ibang ahensya at maging sa pribadong sektor para mas marami pa ang mabakunahan laban sa Covid-19 sa kani-kanilang mga teritoryo.
Uubra aniyang magpasaklolo sa PNP at AFP kung kailangan ng mga sasakyan para madala ang mga tao o healthcare workes sa vaccination sites.
Hinimok ni Manila Archbishop Jose Cardinal Advincula ang publiko na magpabakuna.
Kasunod na rin ito nang pag-recover ni Archbishop Advincula sa COVID-19.
Sinabi ni Advincula na napatunayan niyang malaking bagay ang bakuna para labanan ang COVID-19 kaya’t hinihikayat niya ang lahat na magpabakuna para sa sariling kaligtasan at kaligtasan ng ibang tao.
Nagpasalamat si advincula sa mga nagdasal para sa kanyang paggaling.
Kasabay nito, umapela si Advincula ng dasal para sa mga may sakit at medical frontliners gayundin ang panawagan sa publiko sa mahigpit na sumunod sa health protocols.
Target ng Department of Tourism (DOT) ang mas mababang singil sa RT-PCR test para sa mga turista.
Ayon ito kay tourism secretary Bernadette Romulo-Puyat ay matapos alisin ng IATF ang age restriction policy para sa mga taga-Metro Manila na bibiyahe sa mga tourist destinations sa mga lugar na nasa MGCQ.
Binigyang-diin ni Puyat na isinusulong nila ang affordable travel para sa lahat lalo na kapag pamilya ang magbibiyahe sa mga tourist destination.
Nakatakdang magpakawala ng tubig ang Magat dam mamayang alas-3 ng hapon.
Ito ayon sa National Irrigation Administration (NIA) ay dahil sa malakas na ulang nararanasan sa Ifugao at isabela kung saan nakataas sa signal number 1 dahil sa Bagyong Maring.
Sinabi ng NIA na isang gate ng Magat dam ang bubuksan nila para makapagpakawala ng 200 centimeters ng tubig.