Bukas na ang aplikasyon sa mababakanteng posisyon sa Court of Appeals at Sandiganbayan.
Nasa tatlong puwesto sa CA at isa sa sandiganbayan ang mababakante.
Sa mga interesadong aplikante ay maaaring bumisita sa website ng Judicial and Bar Council o JBC at i-access ang online application scheduler bago ang deadline ng submission ng requirements sa December 20, 2022.
Samantala, kabilang sa nabakante ay ang puwesto ni dating CA Justice Maria Filomena Singh na naitalagang mahistrado ng Korte Suprema at mga magreretirong CA justices na sina Manuel Barrios at Loida Posadas- Kahulugan, at retired Sandiganbayan Justice Alex Quiroz.
