Tinanggal na ang anggulo na sadyang pinasabog ang tangke ng San Jose Del Monte City Water District sa Barangay Muzon sa lungsod.
Ayon kay San Jose del Monte City, Bulacan Mayor Arthur Robes, nagsimula na ang kanilang imbestigasyon sa insidente ng pagsabog at pag-collapse ng nasabing water tank na ikinasawi ng nasa apat katao.
Aniya, una nang nagtungo ang engineering department ng pamahalaang lungsod ng San Jose del Monte at patuloy ang kanilang pagkalap ng mga impormasyon.
Dagdag ni Robes, bumuo na rin sila ng isang task force kasama ang San Jose del Monte City Water District na mag-iikot at susuri sa nalalabing tatlumpu’t siyam pang mga katulad na tangke ng tubig sa iba pang barangay sa lungsod.
Pakinggan: Pahayag ni San Jose del Monte Bulacan Mayor Arthur Robes
