Tila inamin ng aktres na si Andi Eigenmann na tuluyan na siyang nag-quit sa showbiz.
Ito ay matapos mag-reply ang aktres sa isang komento ng netizen na nagsabing suplada ito.
Ayon kay Andi, bago sana siya akusahan ng kung anu-ano ay isipin muna ng mga ito, na tao din siya at hindi lamang nabuhay para i-please ang lahat.
Dito din sinabi ni Andi na kung gusto niya at masaya siya sa buhay niya noon ay hindi na niya sana iniwan ang showbiz.
Binanggit din ni Andi na nais niya din maging full time mom at makapag-focus sa kanyang anak na si Ellie, at mamuhay ng malayo sa spotlight maging sa siyudad.
Dagdag pa ni Andi sa kanyang komento, hindi niya ipagpapalit ang simpleng buhay na meron siya ngayon dahil ngayon lamang siya nakaramdam ng ganoong saya.
Matatandaang huling napanood si Andi sa Kapamilya teleseryeng The Greatest Love.
