Inilarga na ng militar ang kanilang air to ground assault laban sa mga miyembro ng Bangsamoro Islamic Freedom Fighters o BIFF sa Maguindanao.
Tinatayang nasa 300 BIFF ang nakasagupa ng militar sa bahagi ng Sitio Tampuad, Barangay Sambolawan gayundin sa Barangay Tee, Datu Salibo sa nasabing lalawigan.
Ayon sa Philippine Air Force, dahil sa dami ng kalaban, kinailangan nilang hulugan ang mga ito ng bomba gamit ang dalawang MG-520 attack helicopters.
Dahilan para dumami pa ang mga sibilyang nagsisilikas ngayon sa bayan ng Datu Salibo na kasalukuyan namang binibigyang ayuda ng provincial government at ng pamahalaan ng Autonomous Region in Muslim Mindanao o ARMM.
By Jaymark Dagala
