No show si Peter Joemel Advincula alyas ‘Bikoy’ sa preliminary investigation ng Department of Justice (DOJ) sa kinahaharap nitong kasong estafa.
Ayon kay Atty. Benjamin Delos Santos, abogado ng complainant na si Arven Valmores, wala ring sumipot na abogado o kinatawan si Advincula sa nasabing pagdinig.
Kasunod nito, muling itinakda ng DOJ sa June 4 ang prelimanary investigation ng kasong estafa ni Advincula alyas ‘Bikoy’.
Nag-ugat ang kasong estafa matapos gamitin umano ni Advincula ang kumpanyang Ardeur World Marketing Corporation ni Valmores sa pag-oorganisa ng beauty contest noong nakaraang taon ng walang kaukulang permiso.
