Pinuri ng isang mambabatas ang administrasyon ni Pangulong Ferdinand Marcos Jr. sa mabilis nitong pagtugon sa oil spill sa Oriental Mindoro.
Ginawa ni House Ways and Means committee chairperson Joey Salceda ang pahayag matapos payagan muli ang fishing activities sa mga karagatang sakop ng probinsya.
Sinabi ni Salceda na ang mabilis at ‘drama-free response’ ng pamahalaang Marcos sa oil spill ay nagpapakita ng malasakit nito sa kalikasan, turismo at sa kabuhayan ng mga residente.
Matatandaang lumubog ang M/T Princess Empress na may kargang 800,000 liters ng industrial fuel oil makaraang magkaroon ng engine problem noong Pebrero 28 ngayong taon.