Nasabat sa isang buy-bust operation ng Davao City Police Office Special Operation Group, Bunawan Police Station at Panabo Police Station ang nagkakahalaga ng P13.6 milyong hinihinalang shabu sa Barangay Lasang Davao City nitong Lunes ng gabi.
Batay sa panayam kay Bunawan Police Major Noel Villahermosa, nabili ng kanilang poseur buyer sa suspek na si Jaber Saranggani, 24 anyos na lalaki ang isang sachet ng shabu na may halagang nasa P600,000.
Aniya, ang mismong suspek na taga Purok 6 San Francisco Pida, Panabo Davao del Norte ang ang bumabyahe sa Lungsod ng Marawi upang kunin ang mga ibinibenta nitong ipinagbabawal na gamot sa Davao del Norte at Davao City.
Bukod pa rito, nakumpiska rin ng awtoridad ang pito pang sachet ng shabu na aabot sa 850 gramo.
Samantala, haharap sa kasong paglabag sa Comprehensive Dangerous Drugs Act of 2002 ang naturang suspek.
