Walong lugar ang nakapagtala ng delikadong antas ng heat index kahapon.
Ipinabatid ng PAGASA na ang Aparri, Cagayan ang nakapag rehistro ng pinakamataas na heat index na pumalo sa 44. 4 degrees Celsius.
Ilan pa sa mga lugar na nakapagtala ng mahigit 40 degrees Celsius na heat index ang Dipolog, Zamboanga del Norte – 44 degrees Celsius, Ambulong, Batangas- 43. 7 degrees Celsius, Sangley Point, Cavite – 43. 2 degrees Celsius, Laoag City, Ilocos Norte – 42. 9 degrees Celsius, San Jose City, Occidental Mindoro – 42. 9 degrees Celsius, Surigao City, Surigao del Norte – 42. 3 degrees Celsius at Cuyo, Palawan – 42. 2 degrees Celsius.
Patuloy na pinapayuhan ng PAGASA ang publiko na iwasan ang paglabas sa kasagsagan ng mainit na sikat ng araw at palagiang uminom ng tubig.
