Isang syete (7)-anyos na batang lalaki ang naitala ng Integrated Provincial Health Office bilang pinakabatang nagpositibo sa HIV sa South Cotabato.
Ayon sa Disease Prevention and Control Unit, hindi inborn o mula sa mother-to-child transmission ang kaso.
Posibleng nakuha ang virus sa sexual transmission, kaya iniimbestigahan ng mga awtoridad ang posibleng pang-aabuso sa bata.
Nanawagan ang mga awtoridad sa publiko na maging maingat, magpa-test kung may posibilidad na biktima ng panghahalay o nakipag-sex sa hindi kilalang tao, at agad humingi ng tulong o konsultasyon upang mapigilan ang pagtaas ng kaso ng HIV sa lalawigan.
