Patay ang apatnapu’t apat (44) katao habang sugatan ang mahigit animnapu (60) sa airstrike sa Syria.
Kabilang sa mga nasawi ang labing isang (11) babae at anim (6) na bata.
Ayon sa Syrian Observatory for Human Rights, inaasahan pang tataas ang naturang bilang dahil marami sa mga sugatan ang nasa kritikal na kondisyon.
Itinuturo namang nasa likod ng pag-atake ang Russia na itinanggi naman ng Russian Defense Ministry.
Sa ngayon ay nagpapatuloy ang rescue operations sa mga posibleng nakaligtas sa mga pinasabog na gusali.
—-
