Arestado ang apat na Chinese nationals dahil sa iba’t ibang paglabag kasunod ng operasyon sa Las Piñas City.
Kinilala ang mga nadakip an sina Zhao Yi, Zheng Chao, Zhuang Zhi, at Li Xue (female), pawang nakatira sa Alabang, Muntinlupa.
Nabatid na sinita ng mga security guards sa BF Homes, Brgy. Almanza Uno sa Las Piñas ang mga suspek dahil walang sticker ang dala nilang sasakyan pero sa halip na magpaliwanag ay
binangga pa ng mga ito ang gate ng village.
Dito na inaresto si Zhao at nakuha mula rito ang isang baril na may limang bala at isang sling bag.
Nakakulong na ngayon ang mga suspek at nahaharap sa reklamong Illegal possession of firearm na may kaugnayan sa Omnibus Election Code, Alarm and Scandal, Reckless Imprudence resulting to Damage to Property at Obstruction of Justice.
